Samfélagsmiðlar

Reykvísk hótel ódýrari í evrum talið

Meðalverðið á tveggja manna herbergi í höfuðborginni hefur lækkað í verði fyrir erlenda ferðamenn. Í krónum er munurinn sáralítill.

Mynd: Sigurjón Ragnar/sr-photos.com

Vísbendingar eru um að hótelnóttin í Reykjavík í janúar hafi kostað erlenda ferðamenn minna en þá sem voru hér í janúar í fyrra.

Ferðamaður sem bókaði hótelnótt í Reykjavík í janúar borgaði að jafnaði 10 evrum minna fyrir herbergið en sá sem var á ferðinni hér í janúar í fyrra. Þá var meðalverðið fyrir hefðbundið tveggja manna herbergi 134 evrur en það er núna komið niður í 124 evrur samkvæmt úttekt ferðasíðunnar Trivago. Sú nýtur töluverða vinsælda hjá ferðafólki í Evrópu og Bandaríkjunum og er ágætis mælikvarði á stöðuna. Bókanir ferðaskrifstofa eru ekki hluti af úttektinni.

Megin skýringin á þessari 7,5 prósent lækkun meðalverðs á hótelgistingu í Reykjavík skrifast væntanlega aðallega á veikingu krónunnar. Gengi hennar er í dag 9,3 prósent lægra en það var fyrir ári síðan. Í krónum talið er meðalverðið á reykvíska hótelherberginu í dag um 17100 krónur en var um tvö hundruð krónum lægra í janúar í fyrra.

 

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …