Samfélagsmiðlar

Þotur Icelandair þéttsetnari en áður

Hlutfall bókaðra sæta hjá Icelandair var hærra í nóvember og desember en dæmi eru um síðustu ár. Óvissan um stöðu WOW air gæti þar haft áhrif.

Auðu sætunum um borð í flugvélum Icelandair fjölgaði framan af ári í fyrra því sætanýtingin fór þá lækkandi í samanburði við árin á undan. Þessari þróun var snúið við í nóvember og desember þegar áttatíu prósent sætanna voru skipuð farþegum í hvorum mánuði fyrir sig. Svo há hefur nýtingin ekki áður verið þessa tvo síðustu mánuði ársins þegar litið er til flutningatalna Icelandair sem ná aftur til ársins 2011 á heimsíðu flugfélagsins.

Í mánaðarlegum uppgjörum Icelandair eru ekki birtar tölur um þróun fargjalda öfugt við það sem tíðkast hjá bæði Norwegian og SAS. Lækkun fargjalda í lok árs gæti þó verið skýringin á því að sætanýtingin hjá Icelandair var svona há í lok árs. Túristi hefur óskað eftir upplýsingum um fargjaldaþróunina hjá Icelandair en ekki fengið nein svör. Í ljósi endurtekinna yfirlýsinga forstjóra flugfélagsins um að fargjöld verði almennt að hækka, til að endurspegla aukinn rekstrarkostnað flugfélaga, þá má gera ráð fyrir að meðalfargjaldið hafi ekki farið niður á við hjá Icelandair í lok síðasta árs.

Skýringin á betri nýtingu sæta gæti því frekar legið í óvissunni sem ríkir í kringum rekstur WOW air, helsta samkeppnisaðilans. Umræðan um vandræði WOW er skiljanlega langmest á heimamarkaðnum og hefur hún varla farið fram hjá nokkrum Íslendingi. Það er því ekki ósennilegt að ástandið á WOW hafi haft þau áhrif að nú sé aukin ásókn í flug með Icelandair frá Íslandi. Þess ber þó að geta að Túristi bað einnig um upplýsingar frá Icelandair um hvort hlutfall íslenskra farþega hafi farið hækkandi hjá félaginu undanfarna  mánuði en fékk ekki svar.

Fyrir sumarið bætast 6 Boeing MAX þotur við flugflota Icelandair og þar sem þær taka færri farþega en þoturnar sem fyrir eru í flugflota Icelandair má gera ráð fyrir að sætanýtingin hjá Icelandair fari hækkandi af þeim sökum.

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …