Samfélagsmiðlar

Skuld Ernis álíka há og tap Isavia af falli Primera air

Isavia hefur kyrrsett stærstu farþegavél flugfélagsins Ernis vegna 98 milljón króna skuldar. Tap Isavia af gjaldþroti Primera air hefur af öllum líkum numið álíka hárri upphæð.

Dornier flugvél Flugfélagsins Ernir hefur verið kyrrsett á Keflavíkurflugvelli.

Hver lending á Reykjavíkurflugvelli kostar Flugfélagið Ernir á bilinu 20 til 50 þúsund krónur í lendinga- og farþegagjöld en verðskrá Isavia, rekstraraðila flugvallanna, er helmingi lægra út  á landi. Nú er skuld flugfélagsins á þessum gjöldum og leigu á aðstöðu við flugvellina komin upp 98 milljónir króna. Það svarar til um það bil eins árs þjónustugjöldum samkvæmt Herði Guðmundssyni, forstjóra Ernis,  í samtali við Fréttablaðið í dag. En blaðið segir frá því að stjórnendur Isavia hafi kyrrsett Dornier flugvél Ernis vegna skuldarinnar. „Menn eru aðeins að hnykla vöðv­ana,“ segir Hörður um málið.

Að lenda farþegaþotu á Keflavíkurflugvelli kostar töluvert meira þar sem greitt er fyrir hvert tonn og fjölda farþega. Og miðað við útreikninga Túrista þá hefur Primera air skuldað hátt í hundrað milljónir í þjónustugjöld á Keflavíkurflugvelli þegar flugfélagið fór í þrot 1. október síðastliðinn.

Þess má geta að í nýlegu svari samgönguráðherra við fyrirspurn Jón Steindórs Valdimarssonar, þingmanns Viðreisnar, um skuldir flugrekenda við Isavia, kemur fram að stjórnendur fyrirtækisins telji sér ekki heimilt að neita flugfélögum um afnot af flugvöllum landsins þrátt fyrir ógreidda reikninga.

 

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …