Samfélagsmiðlar

8000 færri ferðamenn en Isavia reiknaði með

Brottfarir erlendra ferðamanna drógust saman um nærri sex af hundraði í janúar.

Ferðafólk á Íslandi var færra í janúar en á sama tíma í fyrra.

Fyrir viku síðan birti Isavia sína árlegu ferðamannaspá og gerði hún ráð fyrir 455 færri ferðamönnum í janúar í samanburði við sama tíma í fyrra. Að fjöldi erlendra flugfarþega sem færi í gegnum talninguna við vopnaleitina færi niður í 147.114 sem jafngildir samdrætti upp á 0,3 prósent.

Þó spá Isavia hafi verið kynnt tveimur dögum fyrir mánaðamót þá reyndist hún fjarri raunveruleikanum því samkvæmt nýbirtri talningu Ferðamálastofu og Isavia þá nam samdrátturinn 8.514 erlendum ferðamönnum í nýliðnum mánuði. Minnkunin nemur þá 5,8 prósentum.

Líkt og Túristi greindi frá í gær þá fækkaði áætlunarferðum til útlanda frá Keflavíkurflugvelli um aðeins 1 prósent í janúar. Túristi hefur þó bæði hér á síðunni og annars staðar líst því yfir að samdrátturinn í komum ferðamanna hingað til lands gæti orðið mun meiri en Isavia gerir ráð fyrir. Er þá horft til erfiðleika WOW air, pressu á hækkandi fargjöld og þeirrar staðreyndar að erlend flugfélög hafa litlu bætt við Íslandsflug í ár. Hlutfall skiptifarþega hjá íslensku flugfélögunum gæti vegið upp á móti þessum neikvæðu þáttum.

Þó erlendu ferðafólki hafi fækkað í síðasta mánuði þá var fjöldinn engu að síður nokkru meiri en í janúar 2017. Og samtals komu fleiri í nýliðnum mánuði en samanlagt í janúar 2015 og 2016.

Nýtt efni

„Við erum á lokametrunum í undirbúningi og opnum vonandi í september," segir Inga Harðardóttir, framkvæmdastjóri Flóra hotels, um nýtt íbúðahótel á vegum Reykjavik Residence við Vatnsstíg. Á nýja hótelinu verða 26 íbúðir í nýuppgerðum fasteignum milli Laugavegs og Hverfisgötu en Reykjavik Residence rekur íbúðahótel á nokkrum stöðum í miðborginni. Flóra hotels, móðurfélag Reykjavík Residence, rekur …

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …