Samfélagsmiðlar

Franke tjáir sig ekki um WOW

Viðtalið sem birtist við viðsemjanda Skúla Mogensen í gær byggði á gömlum tilvitnunum.

Eigendur skuldabréfa í WOW air veittu vilyrði fyrir breyttum skilmálum bréfanna um miðjan janúar og var samþykki þeirra sagt forsenda fyrir fjárfestingu Indigo Partners í íslenska flugfélaginu. Nú eru þrjár vikur liðnar frá skilmálabreytingunni en á þeim tíma hefur lítið heyrst af viðræðunum milli Indigo Partners og Skúla Mogensen, eiganda og forstjóra WOW air. Og ennþá hefur ekki fengist svar við því hvort WOW hafi losnað undan 12 ára leigusamningi á fjórum breiðþotum.

Það leit hins vegar út fyrir að William Franke, stjórnandi og aðaleigandi Indigo Partners, hefði rofið þögnina í gær. Þá birtist grein á vef bandarísku fréttastofunnar CNBC þar sem haft var eftir Franke að hann sæi tækifæri í WOW því annars myndi hann ekki fjárfesta í félaginu. Stuttu eftir að greinin kom út þá birtust endursagnir á henni í fjórum íslenskum vefmiðlum.

Í grein CNBC segir Franke jafnframt að stefnt sé að því að klára kaupin á WOW fyrir lok þessa ársfjórðungs. Þessi fullyrðing vekur athygli enda hefur Indigo Partners aðeins frest til næstu mánaðamóta til að ganga frá fjárfestingu í WOW. Annars ógildist fyrrnefnt samþykki skuldabréfaeigenda. Og blaðafulltrúi Indigo Partners staðfestir, í svari til Túrista, að tilvitnanir í Franke, í grein CNBC í gær, séu allar frá því í fyrra. Bæði það sem haft er eftir honum um WOW en líka um stöðu lággjaldaflugfélaga almennt. Franke ætlar ekki að tjá sig um stöðu mála í dag, hvorki við Túrista, CNBC né annan fjölmiðil.

Nýtt efni

„Við erum á lokametrunum í undirbúningi og opnum vonandi í september," segir Inga Harðardóttir, framkvæmdastjóri Flóra hotels, um nýtt íbúðahótel á vegum Reykjavik Residence við Vatnsstíg. Á nýja hótelinu verða 26 íbúðir í nýuppgerðum fasteignum milli Laugavegs og Hverfisgötu en Reykjavik Residence rekur íbúðahótel á nokkrum stöðum í miðborginni. Flóra hotels, móðurfélag Reykjavík Residence, rekur …

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …