Samfélagsmiðlar

Flugfélögin þurfa að standa skil mengun

Um miðjan apríl eiga flugfélög að greiða fyrir þá losun gróðurhúsalofttegunda sem starfsemi þeirra sinni innan Evrópska efnahagssvæðisins veldur. Upphæðirnar eru umtalsverðar.

Innan EES svæðisins þurfa flugfélög að greiða ákveðinn mengunarskatt.

Ísland er þátttakandi í viðskiptakerfi ESB með losunarheimildir en markmiðið með því er að draga úr losun gróðurhúsalofttegunda í andrúmsloftinu. Flugrekstur er hluti af kerfinu og árlega fá íslenskir flugrekendur úthlutaðan ákveðin kvóta sem dugar fyrir hluta af losun flugflota þeirra.

Það sem uppá vantar þurfa flugfélögin að kaupa sérstaklega og verðið á þessum viðbótarheimildum ræðst á markaði. Og það hefur hækkað hratt undanfarið. Í byrjun síðasta árs kostaði heimildin til að mynda um 8 evrur á tonn en verðið hafði þrefaldast um síðustu áramót. Núna er það rétt um 20 evrur en í apríl næstkomandi þurfa flugfélögin að eiga heimildir sem standa undir losun flugflota þeirra í fyrra.

Þessar fyrrnefndu verðsveiflur gera það að verkum að stjórnendur flugfélaganna verða því að vega og meta hvernig staðið er að innkaupum á losunarheimildum. Hjá Icelandair eru losunareiningarnar keyptar með jöfnu millibili og losunarheimildir félagsins, fyrir síðasta ár, hafa kostað um 9 milljónir dollara. Það jafngildir tæpum 1,1 milljarði króna miðað við gengi dagsins í dag.

WOW air fær hins vegar úthlutuðum tvöföldum kvóta fram til ársins 2021 þar sem félagið er með nýlegt flugrekstrarleyfi. Þar með dekkar kvótinn hærra hlutfall af heildarlosun félagsins en í tilfelli Icelandair. Hjá WOW air fást ekki upplýsingar um hvernig félagið stendur að innkaupum á viðbótarheimildum en miðað við losun flugflotafélagsins í hittifyrra og aukin umsvif í fyrra þá má gera ráð fyrir að útgjöld félagsins, vegna losunarheimilda, verði á bilinu 350 til 450 milljónir í ár. Upphæði er þó lægri ef félagið hefur keypt allars sínar heimildir í byrjun síðasta árs. Ef félagið þarf hins vegar að kaupa allt magnið á markaði núna þá er upphæðin líklega tæplega hálfur milljarður króna.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …