Samfélagsmiðlar

Hefja sölu á skíðaferðum til Sviss

Íslenskt skíðafólk verður líklega fjölmennara í brekkunum við Andermatt á næstunni.

Frá Andermatt.

Á þessum tíma árs eru ófáir Íslendingar staddir í hlíðum Alpanna enda löng hefð hér á landi fyrir skíðaferðum til Austurríkis eða Ítalíu. Þeir sem kosið hafa brekkurnar í svissneska hluta fjallgarðsins hafa hins vegar farið þangað á eigin vegum því ekkert hefur verið um reglulegar skíðaferðir til Sviss.

Það skrifast til að mynda á lítið eða ekkert framboð á vetrarflugi til Sviss sem gert hefur ferðalagið þangað erfiðara og dýrara. Nú flýgur Icelandair hins vegar allt árið um kring til Zurich og eins fljúga þotur easyJet héðan í lok vetrar til bæði Basel og Genfar.

Og nú ætla GB-ferðir að nýta sér hið beina flug til Zurich og bjóða upp á skíðaferðir til fjallabæjarins Andermatt. Þangað tekur um 90 mínútur að keyra frá flugvellinum í Zurich.

„Ástæðan fyrir því að við bætum þessu skíðasvæði við flóruna okkar er fyrst og fremst sú að þettta er frábært skíðasvæði og mjög snjóörrugt. Bærinn liggur í tæplega 1500 metra hæð og hæstu tindarnir á skíðasvæðinu eru í um 3000 metra hæð. Svæðið er gríðarlega fjölbreytt með brekkur fyrir byrjendur og meðalgott skíðafólk en einnig með „off piste“ svæði fyrir þá sem vilja meira krefjandi aðstæður,“ segir Jóhann Pétur Guðjónsson, hjá GB-ferðum, um Andermatt.

Það eru ekki aðeins þeir sem vilja renna  sér niður á við sem geta notið útiveru við Andermatt því þar er einnig að finna 28 kílómetra spor fyrir skíðagöngufólk. En þess háttar göngubrautir er ekki algengar við stærstu skíðasvæðin í Ölpunum.

Skíðaferðirnar til Sviss með GB-ferðum kosta frá 119 þúsund krónum á mann og fyrstu brottfarirnar eru á dagskrá í mars og svo verður þráðurinn tekinn upp á ný í lok ársins.

 

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …