Samfélagsmiðlar

Fjórði hver skiptifarþegi dvelur á Íslandi

Vægi erlendra ferðamanna í vélum Icelandair er hærra en tölurnar gefa til kynna.

Um helmingur þeirra útlendinga sem ferðast með Icelandair eru taldir sem ferðamenn á Íslandi.

Í ársuppgjörum Icelandair er ávallt að finna upplýsingar skiptingu farþega eftir því hvort þeir komi frá Íslandi, eru ferðamenn á leið hingað til lands eða einfaldlega skiptifarþegar að fljúga yfir Norður-Atlantshafið með millilendingu á Keflavíkurflugvelli. Vægi síðastnefnda hópsins hefur aukist hratt síðustu ár því fyrir áratug síðan var þriðji hver farþegi tengifarþegi en í fyrra var hlutfallið 51 prósent.

Á þetta aukna vægi tengifarþega hafa stjórnendur Icelandair reglulega bent á til að sýna fram á hversu stór hluti af tekjum félagsins er í raun ótengdur íslenska markaðnum.

Markaðsstarf Icelandair út í heimi gengur hins vegar oft út á svokallaða „Stopover“ þjónustu en hún gerir fólki í Norður-Ameríku og Evrópu kleift að stoppa á Íslandi í allt að eina viku á leið sinni yfir hafið. Farþegarnir sem nýta sér þessa þjónustu er taldir sem tengifarþegar í ársskýrslum Icelandair. Jafnvel þó þeir hafi í dvalið á Íslandi á milli flugferða og eru því meðtaldir í talningu Ferðamálastofu á Keflavíkurflugvelli.

Vægi þessarar Stopover-farþega hefur hins vegar ekki verið tilgreint sérstaklega í uppgjörum Icelandair Group. Í nýrri ársskýrslu fyrirtækisins, sem birt var á föstudag, er hins vegar tekið fram að 25 prósent allra tengifarþega félagsins í fyrra hafi bókað Stopover ferð.

Það þýðir að um sjöundi hver farþegi Icelandair er með þess háttar farmiða og því má segja að með einum eða öðrum hætti sé rétt um helmingur farþega Icelandair teljist til erlendra ferðamanna hér á landi. Vægi hefðbundinna „via“ farþega, eins og tengifarþegar eru kallaðir í bókum Icelandair, er því lægra en tölurnar hafa sagt til um.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …