Samfélagsmiðlar

Lögmaður Isavia orðinn skiptastjóri WOW

Þorsteinn Einarsson hefur verið lögmaður Isavia, meðal annars vegna mála sem tengjast Kaffitári. Hann er nú orðinn bústjóri WOW og gæti þurft að takast á við kyrrsetningu Isavia á einni af leiguflugvélum félagsins.

Hæstaréttarlögmennirnir Sveinn Andri Sveinsson og Þorsteinn Einarsson voru skipaðir skiptastjórar þrotabús WOW air í gær. Tveir skiptastjórar voru skip­aðir yfir búinu vegna stærðar þess en um  síðustu mánaðamót námu heildar langtímaskuldir flugfélagsins tæplega 16 milljörðum króna samkvæmt frétt Viðskiptablaðsins. Þar af má rekja tæpa tvo milljarða til skuldar WOW við Keflavíkurflugvöll.

Það er því útlit fyrir að Isavia verði einn stærsti kröfuhafinn í þrotabú flugfélagsins og því athyglisvert að Þorsteinn, hinn nýskipaði skiptastjóri WOW, hefur unnið sem lögmaður fyrir Isavia. Hann var hann meðal annars í forsvari fyrir Isavia í málum tengdum Kaffitári og kröfu eigenda þess fyrirtækis að útboðsgögn á verslunarrými verði gerð opinber.

Þorsteinn telur þessi fyrrum störf sín fyrir Isavia ekki skipta máli. „Ég er einn eigenda Forum lögmanna og við höfum ásamt fleiri lögmannsstofum sinnt vinnu fyrir Isavia. Það er engin hætta á hagsmunaárekstrum í störfum mínum sem skiptastjóri WOW air,“ segir Þorsteinn í svari til Túrista.

Stjórnendur Isavia kyrrsettu í gær eina af þeim flugvélum sem WOW air hafði til umráða og er það gert til tryggingar á ógreiddum notendagjöldum WOW á Keflavíkurflugvelli. Sem fyrr segir nema þau um 2 milljörðum króna í dag. Trygging Isavia er því flugvél sem WOW air átti ekki heldur var með á leigu. Deildar meiningar munu vera um þessa heimild Isavia samkvæmt viðmælendum Túrista. Bent er á að eigandi flugvélarinnar, Air Lease Corporation, gæti farið fram á að greiða aðeins notendagjöld sem tengjast flugvélinni sem varkyrrsett en ekki alla skuld WOW við Keflavíkurflugvöll.

Þetta álitamál kemur væntanlega inn á borð skiptastjóra WOW en Þorsteinn segist ekkert geta tjáð sig um þetta ákveðna mál þar sem hann þekki það ekki. Túristi hefur óskað eftir viðbrögðum frá Air Lease Corporation á kyrrsetningu flugvélarinnar og líka þeirri staðreynd að bústjóri WOW hafi verið lögmaður Isavia.

 

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …