Samfélagsmiðlar

Fjölga ferðunum til London

Stjórnendur Wizz Air hafa ákveðið að fljúga daglega hingað frá Luton flugvelli við London.

„Ein af ástæðum velgegni okkar er hversu hratt við getum brugðist við breytingum á markaðnum. Við fórum því í gang um leið og WOW air varð gjaldþrota,“ segir Andras Rado, blaðafulltrúi Wizz Air, varðandi þá ákvörðun félagsins að bjóða upp á daglegt flug hingað frá London frá og með sumrinu.

Þegar þetta ungverska lággjaldaflugfélag hóf Íslandsflug frá Luton við London í fyrra þá var gert ráð fyrir daglega brottföru yfir vetrarmánuðina. Fallið var frá þeim áformum þar sem eftirspurn reyndist ekki nægjanleg. Með brotthvarfi WOW air þá sjá stjórnendur Wizz Air hins vegar tækifæri í að fjölga ferðunum en sumaráætlun WOW gerði ráð fyrir daglegum ferðum til Stansted flugvallar við London.

Auk fleiri ferða milli London og Íslands þá mun Wizz Air bæta við enn einni flugleið sinni til Íslands í sumarlok þegar áætlunarflug hingað frá Kráka í Póllandi hefst. Þar með geta farþegar á Keflavíkurflugvelli valið úr ferðum með Wizz Air til 10 borga og þar af eru fimm í Póllandi.

Wizz Air er að stórum hlut í eigu Indigo Partners og stjórnarformaður félagsins er William Franke, sá hinn sami og skoðaði kaup á WOW air í vetur.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …