Samfélagsmiðlar

Aukin framleiðni í ferðaþjónustu

Það voru áttatíu ferðamenn á hvern starfsmann í ferðaþjónustu í fyrra en þeir voru 39 árið 2008. Ríflega þriðji hver starfsmaður í greininni vinnur í veitingasölu eða þjónustu og um fjórða hvert starf tengist gistirekstri.

Ferðaþjónustan átti stóran þátt í að draga úr atvinnuleysi hér á landi því á árunum 2011 til 2018 sköpuðust 17 þúsund störf í greininni eða rúmlega þriðjungur allra nýrra starfa á tímabilinu. Þetta er meðal þess sem fram kemur í skýrslu Íslandsbanka sem kynnt var í morgun. Þar segir jafnframt að ef atvinnugreinum sem tengjast ferðaþjónustu er bætt við hækkar hlutfallið enn meira. Þannig tengjast umsvif í verslun og byggingariðnaði ferðaþjónustunni óbeint.

Fjölmennasti geirinn innan ferðaþjónustunnar er veitingasala og -þjónusta en þar starfa 37 prósent þeirra sem vinna í greininni. Næstflest störf tengjast gistirekstri eða 24 prósent og 19 prósent stöðugilda má rekja til flugreksturs. Í fyrra höfðu tæplega 29 þúsund manns atvinnu af ferðaþjónustu eða sjöundi hver launþegi hér á landi samkvæmt því sem fram kemur í skýrslu Íslandsbanka.

Þar segir jafnframt að framleiðni vinnuafls í ferðaþjónustu hafi aukist töluvert á undanförnum árum og hvert starf innan ferðaþjónustunnar skili auknum virðisauka miðað við áður. „Fjöldi ferðamanna á hvern starfsmann hefur aukist töluvert á undanförnum árum. Á árinu 2018 voru um 80 ferðamenn á hvern starfsmann í ferðaþjónustu en til samanburðar voru þeir 39 árið 2008. Fjöldi ferðamanna á hvern starfsmann hefur því meira en tvöfaldast á síðustu tíu árum. Ætla má að fjöldi starfsmanna á hvern ferðamann hafi náð hæstu hæðum árið 2018 og muni fækka árið 2019,“ segir í skýrslunni.

Sérfræðingar Íslandsbanka benda þó á að hjöðnun á vinnumarkaði í ferðaþjónustu sé hafin og störfum í greininni hafi fækkað. Er þá horft til starfsfólks WOW air og uppsagna hjá öðrum fyrirtækjum sem reiddu sig á starfsemi flugfélagsins. „Ef gert er ráð fyrir að öll þessi störf tengjast ferðaþjónustu þá fækkaði störfum innan ferðaþjónustunnar um 5 prósent á þessu tímabili. Þess má vænta að störfum muni fækka enn meira á næstu misserum.“

Nýtt efni

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …