Samfélagsmiðlar

Ennþá óljóst hvernig selja á flugið til Suður-Evrópu

WOW air var stórtækt í áætlunarflugi til sólarlanda og forsvarsmenn Icelandair hafa gefið út að félagið stefni á aukin umsvif á þeim markaði. Það liggur þó ekki fyrir með hvaða hætti það verður gert.

Við sundlaugarbakka á Tenerife.

Aðeins tveimur vikum eftir fall WOW air þá boðaði Icelandair aukið flug til sólarlanda í þotum með eitt farrými. Það fylgdi þó ekki sögunni hvort Icelandair ætlaði að selja þessar ferðir beint á heimasíðu sinni eða halda áfram að fljúga aðeins til Tenerife, Kanarí og Alicante í leiguflugi með viðskiptavini ferðaskrifstofa. WOW air var hins vegar stórtækt í hefðbundnu áætlunarflugi til þessara sólarstaða og flaug þegar mest lét allt að þrjár ferðir í viku til Tenerife auk reglulegra brottfara til Alicante og Las Palmas.

Nú þegar rúmur mánuður er liðinn frá því að stjórnendur Icelandair tilkynntu um þessi áform sín í suðurhluta álfunnar er ennþá óljóst hvernig staðið verði að sölu á flugferðunum. Í svari Ásdísar Pétursdóttur, upplýsingafulltrúa Icelandair, segir að málið sé í vinnslu og ákvörðun liggi ekki fyrir.

Ein þeirra ferðaskrifstofa sem hefur keypt sæti í leiguflugi Icelandair til sólarlanda er Úrval Útsýn og í viðtali við Túrista, daginn eftir að ófullmótuð áform Icelandair voru birt, sagði Þórunn Reynisdóttir, forstjóri ferðaskrifstofunnar, að hún teldi það ekki skynsamlegt hjá félaginu að hefja áætlunarflug til Suður-Evrópu. Fyrirtækið ætti frekar að einbeita sér að áætlunarflugi til áfangastaða sem skila fleiri ferðamönnum til Íslands. Það eru nefnilega nær eingöngu Íslendingar sem sitja í þotunum sem fljúga héðan til áfangastaða eins og Tenerife, Las Palmas og Alicante.

Sem fyrr segir er ennþá ekki ljóst hvort Icelandair selji sætin beint í Spánarflugið en það á að hefjast á í byrjun næsta árs. Ein skýrining á því að óvissa ríkir ennþá um málið kann að vera sú að stjórnendur Icelandair hafi viljað gefa það strax út, eftir fall WOW, að þeir ætli sér aukin umsvif í sólarlandaflugi og þar með vonast til að fæla aðra frá. Heimsferðir hafa til að mynda samið við Norwegian um flug til Kanarí og Tenerife í vetur og af því tilefni sagði Tómas J. Gestsson, forstjóri Heimsferða, að það væri ekki ósennilegt að fleiri áfangastaðir ættu eftir að bætast við.

Auk Heimsferða þá eru Úrval-Útsýn og Vita umsvifamestu ferðaskrifstofur landsins og er sú síðastnefnda dótturfélag Icelandair Group.

Nýtt efni

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …