Samfélagsmiðlar

Nýta þoturnar betur

Fyrrasumar hafði Icelandair 33 þotur og sætaframboð félagsins var þá um tíu prósent minna en núverandi sumaráætlun gerir ráð fyrir.

Nú í maí bætast nýir flugtímar við áætlun Icelandair. Auk hefðbundinna brottfara, í morgunsárið og seinnipartinn, munu þotur félagsins einnig fljúga til Evrópu um miðjan morgun og til Norður-Ameríku á kvöldin. Þessi breyt­ing­ var meðal annars gerð í tengslum við komu nýrra Boeing MAX þota og gerði upphafleg sumaráætlun ráð fyrir að níu af þrjátíu og sex flugvélum félagsins yrðu af þeirri gerð. MAX þoturnar voru hins vegar kyrrsettar í mars og nú gera stjórnendur Icelandair ekki ráð fyrir að þær fari í loftið fyrr en í fyrsta lagi um miðjan júlí.

Til að fylla skarðið í flugflotanum hefur félagið leigt þrjár þotur en sætin í þeim eru um helmingi færri en í MAX þotunum níu. Þrátt fyrir þann mikla mun þá dregst sætaframboð á vegum Icelandair, fyrripart sumars, aðeins saman um tvo af hundraði samkvæmt tilkynningu. Aðspurð um hvort nýja flugáætlunin bæti nýtingu flugvélanna það mikið að samdrátturinn verði ekki meiri þá segir Ásdís Pétursdóttir, blaðafulltrúi Icelandair, að svo sé. Hún bendir jafnframt á að sætafjöldinni í leiguvélunum þremur jafnist á við fjórar og hálf MAX 8 flugvélar en sem fyrr segir gerði upphafleg áætlun Icelandair ráð fyrir níu slíkum í sumar. Dæmi um betri nýtingu á flugvélunum er sá að í stað þess að láta þotur standa í tæpan sólarhring á flugvöllunum í Seattle, Denver, Vancouver, Portland og víðar þá er þeim flogið beint heim þar sem úti bíða áhafnir sem fengið hafa sín hvíld.

Ennþá liggur ekki fyrir hvenær MAX þoturnar fara í loftið á ný og í nýrri tilkynningu frá Boeing segir að innanhús hafi verið vitað af galla í vél­un­um stuttu eftir að þær fyrstu voru afhendar til við­skipta­vina. Í vetur hafa tvær MAX þotur hrapað og samtals létu lífið 346 manns. Icelandair hefur aðeins tryggt sér leiguflugvélar fram í september en hvort félagið verði þá farið að fljúga MAX þotum á ný á eftir að koma í ljós og einnig hver viðbrögð farþega verða við vélunum.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …