Samfélagsmiðlar

Ríflega sex hundruð færri áætlunarflug í apríl

Að jafnaði fækkaði brottförunum frá Keflavíkurflugvelli um tuttugu og eina á degi hverjum í síðasta mánuði. Hlutdeild Icelandair nálgast það sem hún var á árunum fyrir vaxtaskeið WOW air.

Í apríl í fyrra flugu þotur WOW air 588 ferðir frá Íslandi til áfangastaða í Evrópu og Norður-Ameríku. Félagið fór í þrot þann 28. mars og skildi eftir sig stórt skarð á Keflavíkurflugvelli. Ferðunum til og frá flugvellinum fækkaði þó aðeins meira en sem nam ferðafjölda WOW því mörgum brottförum var aflýst vegna veðurs dagana 12. og 13. apríl. Verkfall flugmanna SAS hafði líka áhrif því félagið felldi niður ellefu ferðir hingað til lands. Í heildina nam samdrátturinn í áætlunarflugi til og frá Keflavíkurflugvelli um 32 prósentum í apríl samkvæmt mánaðarlegum talningum Túrista. Flugferðir fyrir íslenskar og erlendar ferðaskrifstofur eru ekki taldar með.

Að jafnaði voru í boði 45 áætlunarferðir á degi hverjum í nýliðnum apríl sem er samdráttur um nærri 21 ferð á dag frá sama tíma í fyrra. Þá náðu páskar sig yfir mánaðarmótin mars-apríl en voru núna um miðjan síðasta mánuð. Páskarnir eru alla jafna annasamur tími í ferðaþjónustu og til að mynda er ásóknin í bílastæðin við Flugstöð Leifs Eiríkssonar aldrei meiri en þá. Farþegaspá Isavia sem birt var í byrjun árs, fyrir fall WOW, gerði ráð fyrir um 13 prósent færri erlendum ferðamönnum í apríl og skrifaðist aðallega á mikinn samdrátt hjá WOW air enda hafði félagið þá fækkað flugvélum í flota sínum um nærri helming. Þó áætlunarferðum hafi fækkað um rúm þrjátíu prósent í apríl þá er óhætt að fullyrða að samdrátturinn í komum erlendra ferðamanna verði minni því stór hluti af farþegum WOW voru tengifarþegar og auðvitað Íslendingar.

Áður en hinn mikli vöxtur WOW air hófst í kjölfar Ameríkuflugs félagsins þá stóð Icelandair alla jafna undir um sjö af hverjum tíu áætlunarferðum til og frá landinu. Vægi félagsins lækkaði hins vegar umtalsvert en við brotthvarf helsta keppinautarins hér á landi þá er hlutfallið á ný komið á fyrri stað eins og sjá má töflunni hér fyrir neðan.

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …