Samfélagsmiðlar

Tekjur Isavia á hvern rútufarþega hækka

Það er orðið dýrara að nýta sér sætaferðir til og frá Leifsstöð.

Flugfarþegar þurfa í dag að borga nærri fimmtungi meira fyrir farið með Flugrútunni eða Airport Direct frá Keflavíkurflugvelli. Stakt fargjald hjá Flugrútunni kostar orðið 3.500 krónur en 6500 kr. ef keyptur er miði báðar leiðir líkt og Vísir greinir frá. Hjá Airport Direct, sem Hópbílar reka, er stakur miði á 3.590 krónur en borga þarf þrjú þúsund krónur í viðbót fyrir far fram og til baka.

Bæði fyrirtæki hafa hækkað verðskrár sínar nýverið og hefur Vísir það eftir Birni Ragnarssyni, forstjóra Kynnisferða, sem reka Flugrútuna, að hækkunin skrifist aðallega á hærri launakostnað, hækkandi olíuverð og minni eftirspurn í kjölfar gjaldþrots WOW air.

Hvað sem þessu breyttu aðstæðum líður þá þurfa Kynnisferðir engu að síður áfram að greiða Isavia 41 prósent af andvirði hvers farmiða sem fyrirtækið selur í ferðir sínar frá Keflavíkurflugvelli. Hópbílar greiða Isavia þriðjung af sínum sölutekjum sem er í takt við niðurstöðu útboðs Isavia á einkarétti á afnotum af rútustæðunum beint fyrir utan Leifsstöð sem haldið var sumarið 2017.

Í kjölfar nýjustu verðhækkana þá hækkar sú krónutala sem Isavia fær á hvern farþega fyrirtækjanna umtalsvert eða um rúmar tvö hundruð krónur í báðum tilvikum. Af 3.500 króna fargjaldinu sem Kynnisferðir rukka í Flugrútuna þá þarf fyrirtækið að borga Isavia um þrettán hundruð krónur og Hópbílar greiða um ellefu hundruð krónur af 3590 kr. fargjaldinu til Isavia. Fyrirtækin tvö verða jafnframt að greiða að lágmarksþóknun árlega sem nemur um 180 milljónum í tilfelli Kynnisferða og um 130 milljónum hjá Hópbílum. Til viðbótar borga fyrirtækin 450 þúsund í leigu á bílastæðum í hverjum mánuði og greiða líka leigu fyrir sölubás inn í Leifsstöð.

Airport Express, sem Gray Line rekur, býður líka upp á reglulegar sætaferðir frá Keflavíkurflugvelli en fyrirtækið notast við stæði sem eru aðeins fjær flugstöðinni. Þar kostar stakt fargjald í dag 2450 krónur og aðspurður staðfestir Þórir Garðarsson, stjórnarformaður Gray Line, að fargjaldið hjá þeim muni líka hækka. „Það verður þó vel samkeppnishæft,“ bætir hann við.

 

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …