Samfélagsmiðlar

Vorum eina Norðurlandaþjóðin sem fór oftar til Bandaríkjanna

Á meðan frændur okkar drógu ögn úr ferðum sínum vestur um haf þá fjölgaði íslenskum túristum í Bandaríkjunum.

New York er sú borg sem flestir ferðamenn frá Norðurlöndum fljúga til.

Frá Keflavíkurflugvelli er úrvalið af beinu flugi til Norður-Ameríku töluvert meira en frá stærstu flugvöllum Norðurlanda. Í dag verða til að mynda farnar tuttugu áætlunarferðir héðan til Bandaríkjanna á meðan brottfarirnar eru helmingi færri frá Kaupmannahafnarflugvelli, fjölförnustu norrænu flughöfninni.

Þessar tíðu samgöngur eru vel nýttar af landanum því samkvæmt nýjum tölum frá ferðamálaráði Bandaríkjanna, Discover America, þá fóru 73 þúsund Íslendingar í gegnum vegabréfaeftirlitið á bandarískum flugvöllum í fyrra. Það er aukning um tíund frá árinu á undan og til samanburðar þá voru ferðamenn frá Eystrarsaltslöndunum um 74 þúsund í fyrra en í löndunum þremur búa rúmar sex milljónir manna.

Miðað við stærð þjóðarinnar má segja að fimmti hver Íslendingur hafi heimsótt Bandaríkin í fyrra en þó ber að hafa í huga að einstaklingur með íslenskt vegabréf er talinn í hvert skipti sem hann kemur til landsins.

Á meðan Íslendingar fjölmenna í auknum mæli til Bandaríkjanna þá hafa frændþjóðirnar dregið úr ferðum sínum þangað. Sænskum, norskum og finnskum ferðamönnum þar í landi fækkaði um þrjá af hundraði í fyrra á meðan samdrátturinn í Bandaríkjareisum Dana var sáralítill eins og sjá má á töflunni hér fyrir neðan.

Vegna falls WOW air þá hefur framboð á flugi til Bandaríkjanna dregist þónokkuð saman í ár og fjöldi bandarískra áfangastaða hjá Icelandair hefur fækkað því í sumar fljúga þotur félagsins ekki til Cleveland og Dallas. Ísland er aftur á móti eina norræna landið sem þrjú stærstu flugfélög Bandaríkjanna fljúga öll til.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …