Samfélagsmiðlar

Ódýrt Vínarflug í júní

Tvöfalt fleiri Íslendingar hafa heimsótt höfuðborg Austurríkis í ár og ódýrustu farmiðarnir þangað næstu vikur eru á tæpar fjögur þúsund krónur.

vin2

Frá Vínarborg.

Það var í febrúar síðastliðnum sem Wizz Air hóf að fljúga reglulega til Íslands frá Vínarborg og hyggst félagið halda úti þessari flugleið allt árið um kring. Þar með fær flugfélagið Austrian án ný samkeppni í Íslandsflugi frá austurrísku höfuðborginni en félagið hefur um árabil boðið upp ferðir hingað yfir aðalferðamannatímabilið.

Og eins og staðan er í dag þá er töluverður verðmunur á fargjöldunum hjá Austrian og Wizz Air næstu vikurnar sem skýrist er meðal annars af því að hið síðara er lágfargjaldafélag þar sem farþegarnir þurfa að borga aukalega fyrir alla þjónustu. Farmiðarnir hjá Wizz Air kosta oftast á undir 8 þúsund krónur, aðra leið, fram í miðjan júlí en heimferðin er stundum dýrari. Hjá Austrian eru ódýrustu farmiðarnir á rétt rúmar 20 þúsund krónur en þeir allra ódýrustu hjá Wizz Air kosta rétt tæpar 4 þúsund kr. (22.júní og 11.júlí).

Sem fyrr segir þá hóf Wizz Air að fljúga hingað í febrúar og samkvæmt tölum ferðamálaráðs borgarinnar þá hefur fjöldi íslenskra ferðamanna í borginni nærri tvöfaldast það sem af er ári. Fyrstu fjóra mánuði ársins bókuðu Íslendingar nærri fimmtán hundruð gistinætur í borginni sem er 98 prósent aukning frá fyrstu fjóru mánuðunum í fyrra.

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …