Samfélagsmiðlar

Spá Isavia nærri sanni að mati ferðamálastjóra

Skarphéðinn Berg Steinarsson segir engar vísbendingar um að áhugi á Íslandi hafi minnkað. Það skorti fyrst og fremst flugsæti til landsins.

Í lok hvers árs hefur Isavia birt spá sína um fjölda farþega á komandi ári en nú hafa hræringar á flugmarkaði gert það flóknara að horfa fram í tímann. Spá Isavia fyrir þetta ár var til að mynda fyrst birt í janúar en svo hvarf WOW air af sjónarsviðinu nærri tveimur mánuðum síðar. Það munar um minna enda stóð WOW air á tímabili undir nærri þremur af hverjum tíu áætlunarferðum frá Keflavíkurflugvelli.

Á föstudag birti Isavia því nýja spá þar sem fram kemur að reiknað er með að um 1,9 milljónir erlendra ferðamanna heimsæki landið í ár eða um fjögur hundruð þúsund færri en í fyrra.

„Ég tel að þessi tala sé nærri sanni. Það skortir fyrst og fremst flugsæti því það er ekkert sem bendir til að áhugi á Íslandi hafi minnkað. Það komast því kannski færri en vilja til landsins,“ segir Skarphéðinn Berg Steinarsson, ferðamálastjóri, um spá Isavia. Skarphéðinn segist gera ráð fyrir að sætaframboð muni aukast aftur. „Þá munum við á ný sjá álíka fjölda ferðamanna og síðustu ár og fjölgunin verði þá eðlileg í framhaldi af því.“

Fjölgun ferðafólks hér á landi hefur verið langt um fram það sem þekkist víðast hvar annars staðar. Um miðjan þennan mánuð verður ferðamannafjöldinn í ár orðin álíka og allt árið 2013. Og ferðamennirnir í ár verða umtalsvert fleiri en árið 2016 gangi spá Isavia eftir. Metárin 2017 og 2018 eru hins vegar sér á parti og til samanburðar má nefna að ráðgjafafyrirtækið Boston Consulting Group spáði því haustið 2012 að ferðamenn á Íslandi yrðu rétt um 1,2 milljónir í ár.

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …