Samfélagsmiðlar

Styttist í frest til að klára sölu á hótelum

Nú er rúmt ár liðið frá því að tilkynnt var að hótelrekstur Icelandair Group yrði boðinn til sölu. Málið hefur dregist á langinn en ætlunin er að klára ferlið fyrir lok þessa mánaðar.

Frá Canopy by Hilton í Reykjavík sem Icelandair hótelin reka.

Það er ætlunin að selja áttatíu prósent hlut í Icelandair hótelunum fyrir lok þessa ársfjórðungs líkt og fram kom í tilkynningu frá Icelandair samsteypunni í byrjun apríl. Það eru því tæpar fjórar vikur til stefnu en upphaflega var gert ráð fyrir að klára söluferlið fyrir lok nýliðins vetrar. Ekki hefur komið fram hvers vegna ferlið hefur tekið svona langan tíma en gera má ráð fyrir að óróinn í kringum WOW air í vetur og fyrirséður samdráttur í ferðaþjónustunni hafi haft sitt að segja. Fyrstu fjóra mánuði ársins fækkaði gistinóttum útlendinga hér á landi um nærri þrjá af hundraði.

Á annan tug tilboða barst í hótelstarfsemina en sem fyrr segir þá stefnir í að Icelandair Group haldi eftir fimmtungs hlut. Meðeigandinn verður malasíska fjár­fest­inga­fé­lagið Berjaya Corporati­on samkvæmt frétt viðskiptakálfs Morgunblaðsins. Það stefnir því í að áfram verði Icelandair Group með puttana í hótelrekstri en líkt og Túristi hefur áður fjallað um tíðkast það ekki út í heimi að flugfélög séu stórtæk í gistigeiranum. Það hefur Icelandair hins vegar verið um um langt skeið.

Skúli Mogensen haslaði sér einnig völl á þessu sviði í framhaldi af því WOW air komst á skrið fyrir nokkrum árum síðan. Fyrst með opnun Base gistiheimilsins við Keflavíkurflugvöll og eins ætlaði hann að opna hótel í Kópavogi.

Icelandair hótelin reka í dag þrettán gististaði hér á landi eins tilheyra Edduhótelin fyrirtækinu. Bygging nýs hótels við Austurvöll er einnig í eigu Icelandair Group en ekki hefur fengið staðfest hvort það verkefni fylgi með í kaupunum eða ekki.

 

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …