Samfélagsmiðlar

Taka við Íslandsferðum frá Mið-Englandi

Um leið og TUI hætti með vetrarferðir hingað frá East Midlands flugvelli þá bætti Jet2Holidays við brottförum þaðan.

Vetrarferðir til Reykjavíkur eru nú á boðstólum frá fjölda breskra flugvalla á vegum tveggja af stærstu ferðaskrifstofum landsins.

Nærri fimmtíu þúsund farþegar nýttu sér hinar tíðu flugferðir sem í boði voru milli Íslands og ensku borgarinnar Bristol árið 2016. Árið eftir hætti WOW air hins vegar fljúga þangað og easyJet fækkaði ferðunum þaðan til Íslands. Þetta hafði þær afleiðingar að rétt tæplega tuttugu þúsund farþegar flugu milli Íslands og Bristol í fyrra. Í byrjun næsta árs batna samgöngurnar á ný því þá ætlar breska ferðaskrifstofan TUI að bjóða Íslandsferðir frá Bristol og farnar verða tvær ferðir í viku í janúar, febrúar og mars.

Á móti kemur að næsta vetur verða engar pakkaferðir til Íslands í boði hjá TUI með brottför frá East Midlands flugvellinum. Þaðan flutti félagið til að mynda um 250 breska ferðamenn til Íslands í síðastliðnum mars samkvæmt tölum breskra flugmálayfirvalda. Stuttu eftir að TUI tilkynnti um þessar breytingar þá stukku stjórnendur ferðaskrifstofunnar Jet2Holidays til og bættu við nokkrum ferðum hingað frá East Midlands í nóvember næstkomandi og í mars. Þar með mun Jet2Holidays hafa á boðstólum ferðir til Íslands frá sjö breskum flugvöllum í vetur en fyrsta ferð Jet2 hingað til lands var í byrjun þessa árs.

Hvorki TUI né Jet2Holidays selja flugsæti í Íslandsflug sitt hér á landi því farþegar þeirra verða að byrja ferðalagið í Bretlandi.

Nýtt efni

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …