Samfélagsmiðlar

Jafn margir Danir skiptu með sér miklu fleiri hótelnóttum

Þó fjöldi danskra ferðamanna hér á landi hafi staðið í stað í ágúst þá fjölgaði gistingum þeirra á íslenskum hótelum um sjötíu prósent.

Frá Exeter hótelinu við Tryggvagötu í Reykjavík.

Það eru ekki alltaf sterk tengsl á milli fjölda ferðamanna frá ákveðnu landi og kaupum þessarar sömu þjóðar á hótelgistingu. Þetta er til að mynda áberandi í nýbirtum gistináttatölum Hagstofunnar fyrir ágúst því þar kemur fram töluverður munur á hlutfallslegri breytingu á fjölda hótelnátta og hins vegar földa ferðamanna, sem Ferðamálastofa telur. Í ágúst fækkaði brottförum erlendra ferðamanna um 13,5 prósent á meðan hótelnóttum útlendinga fjölgaði um tvo af hundraði.

Mesta muninn, meðal fjölmennustu þjóðanna, var að þessu sinni að finna hjá Dönum. Samkvæmt tölum Hagstofunnar þá bókuðu þeir sjötíu prósent fleiri hótelnætur í ágúst í samanburði við sama mánuð í fyrra. Engu að síður stóð fjöldi danskra ferðamanna í stað. Fleiri dæmi eru um að þessar tvær stærðir hafi þróast á mismunandi hátt meðal þjóða eins og sjá má á töflunni hér fyrir neðan. Þar er borin saman hlutfallsleg þróun hótelnótta og fjölda ferðamanna frá þeim þjóðum sem bóka flestar hótelgistingar. Aðrar tegundir gistingar er ekki hægt að brjóta niður eftir þjóðum fyrr en í ársuppgjöri Hagstofunnar sem birt verður í byrjun næsta árs.

Eins og sjá má þá hefur verið töluverður munur á hótelnóttum útlendinga hér á landi í ágúst og hins vegar fjölda ferðamanna síðustu þrjú ár. Í ágúst 2015 og 2016 hélst þróunin hins vegar í hendur.

Nú getur þú tekið þátt í að styrkja og efla útgáfu Túrista

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …