Samfélagsmiðlar

Mun fleiri Hollendingar á norðlenskum hótelum

Á nýliðnu sumri gátu Hollendingar flogið beint til Akureyrar og framhald verður á ferðunum í vetrarlok og aftur næsta sumar. Fimmti hver Hollendingur hélt sig á Norðurlandi í Íslandsferðinni.

Hótel KEA á Akureyri.

Hollenska ferðaskrifstofan Voigt Travel stóð fyrir reglulegum flugferðum Transavia frá Rotterdam til Akureyrar í sumar og samtals voru farnar sextán ferðir.  Þau sæti sem ekki voru frátekin fyrir viðskiptavini ferðaskrifstofunnar voru á boðstólum á heimasíðu flugfélagsins sjálfs og gátu Norðlendingar sjálfir því komist beint til Hollands úr heimabyggð. Og það er greinilegt á gistináttatölum Hagstofunnar að það hafa mun fleiri Hollendingar verið á ferðinni fyrir norðan í sumar en undanfarin ár. Þannig bókuðu Hollendingar samtals 5.150 hótelnætur á norðlenskum hótelum yfir sumarmánuðina þrjá í ár sem er helmings viðbót frá sumrinu 2018.

Gestir Voigt Travel héldu sig líka margir hverjir í fjórðungnum samkvæmt því sem kom fram í máli Cees van den Bosch, framkvæmdastjóra og eiganda Voigt Travel, á ráðstefnu sem Markaðsstofa Norðurlands stóð fyrir í síðustu viku. Þar sagði hann að hollensku ferðamennirnir hefðu að jafnaði dvalið á Íslandi í rúmlega ellefu nætur í sumar og um fimmtungur þeirra fór ekki út fyrir Norðurland. Framhald verður á þessum ferðum næsta sumar.

Í vetur gefst svo viðskiptavinum Voigt Travel kostur á að fljúga beint frá Amsterdam til Akureyrar og er um að ræða fimm til sex nátta ferðir sem kosta að jafnaði 2400 eða um 330 þúsund krónur að sögn Gees an den Bosch. Átta brottfarir verða í boði og sú fyrsta á dagskrá þann 14. febrúar og flogið verður tvisvar í viku, á mánudögum og föstudögum. Líkt og í sumar þá geta Norðlendingar líka nýtt sér þessar flugsamgöngur og er sala á slíkum ferðum hafin hjá Ferðaskrifstofu Akureyrar.

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …