Samfélagsmiðlar

Skera frekar niður styttri flugleiðir

Þotur Norwegian fljúga hingað til lands frá nokkrum evrópskum flugvöllum. Framundan er niðurskurður á framboði þó ennþá liggi ekki fyrir hvaða flugleiðir detti út.

norwegian velar860

Þrátt fyrir að Norwegian hafi fengið byr í seglin að undanförnu þá boðar stjórnarformaður félagsins aukið aðhald og segir að framboð á flugsætum félagsins verði dregið saman um tíund á næsta ári. Hvort það hefur einhver áhrif á Íslandsflug félagsins á eftir að koma í ljós en Norwegian er það flugfélag sem flytur flesta farþega milli Íslands og Spánar. Sumaráætlun Norwegian á næsta ári gerir ekki ráð fyrir áframhaldi á flugi hingað frá Madríd en reglulegar ferðir til Alicante og Barcelona eru á boðstólum. Auk þess munu þotur félagsins áfram fljúga hingað frá Ósló.

Í viðtali við Dagens Næringsliv í dag segir Niels Smedegaard, stjórnformaður Norwegian, að minna framboð komi fyrst og fremst fram á styttri flugleiðum en kannski líka á lengri leiðum. Síðustu ár hefur Norwegian aukið umsvif sín verulega í flugi yfir Norður-Atlantshafið og var í fyrra það evrópska flugfélag sem flutti flesta farþega til og frá JFK flugvelli í New York. Norska félagið hefur því veitt Icelandair töluverða samkeppni í flugi vestur um haf og meðal annars hafið flug til áfangastaða þar sem Icelandair var áður eina norræna flugfélagið, t.d. í Seattle og Denver. Miðað við fyrrnefndar yfirlýsingar stjórnarformanns norska félagsins eru þá minni líkur á að félagið dragi úr ferðunum til Bandaríkjanna.

Það er líka í takt við greiningu stórbankans HSBC sem reiknar með að Norwegian muni skera niður um 15 prósent innan Evrópu en halda fluginu vestur um haf óbreyttu. Það gæti þó breyst því stjórnarformaður Norwegian segir að félagið myndi selja frá sér hluta af Dreamliner þotunum, sem eru notaðar í Ameríkuflugið, ef rétt verð fæst fyrir þær.

Nú getur þú tekið þátt í að styrkja og efla útgáfu Túrista

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …