Samfélagsmiðlar

Þéttsetnari þotur milli Írlands og Íslands

WOW air sat lengi eitt að flugleiðinni til höfuðborgar Írlands en fékk samkeppni frá Icelandair í fyrravor. Þá fjölgaði farþegum töluvert en þeim hefur fækkað á ný en þó minna en sem nemur fækkun ferða.

Frá Dublin.

Þrátt fyrir nálægðina þá takmörkuðust flugsamgöngur milli Íslands og Írlands lengi vel við leiguflug ferðaskrifstofa. Á því varð breyting í sumarbyrjun 2015 þegar WOW air hóf að fljúga til borgarinnar og fyrst um sinn voru brottfarirnar þrjár í viku. Þeim fjölgaði hins vegar hratt og þannig flugu þotur WOW níu sinnum í viku til Dublin sumarið 2017 og einnig bættist við flug til borgarinnar Cork.

Þessi miklu umsvif hafa ekki farið framhjá stjórnendum Icelandair því Dublin bættist við leiðakerfi félagsins vorið 2018 og þá voru brottfarirnar sex í viku. Í tilkynningu frá Icelandair á sínum tíma sagði reyndar að hjá félagið hefði lengi verið horft áætlunarferða til Dublin. Það var þó fyrst eftir að WOW hafði stóraukið umsvif á Írlandi þar sem Icelandair lét vaða.

Og með tíðum ferðum félaganna tveggja þá fjölgaði farþegum verulega. Á öðrum ársfjórðungi í fyrra flugu nærri 57 þúsund farþegar milli Dublin og Keflavíkurflugvallar en á sama tíma árið á undan var fjöldinn ríflega helmingi minni eða 26 þúsund farþegar samkvæmt tölum írskra flugmálayfirvalda. Á öðrum ársfjórðungi þessa árs var hins vegar ekkert WOW air og fór farþegafjöldinn niður í 37 þúsund farþega. Samdrátturinn nemur um 17 prósentum en aftur á móti fækkaði ferðunum um rúman þriðjung samkvæmt talningu Túrista.

Það segir okkur að sætanýtingin í Írlandsflugi Icelandair batnaði verulega fyrstu þrjá mánuðina eftir fall WOW air. Farþegatölur fyrir þriðja ársfjórðung liggja ekki fyrir á írskum flugmálayfirvöldum en þess ber að geta að svona upplýsingar eru ekki opinberar hér á landi og hefur Túristi árangurslaust reynt að fá tölurnar upp á borðið.

Fækkun írskra hótelnótta hér á landi frá apríl til júní í ár var 18 prósent samkvæmt tölum Hagstofunnar. Það er hlutfallslega sama þróun og varð í fjölda farþega því þeim fækkaði um sautján prósent á tímabilinu líkt og áður segir.

Tvö af umsvifamestu flugfélögum Íra, Aer Lingus og Ryanair, hafa ekki stundað Íslandsflug en stjórnendur þess síðarnefnda áttu fundi með íslenskum stjórnvöldum síðastliðinn vetur.

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …