Samfélagsmiðlar

Arion telur ekki að útspil Andra Más spilli fyrir sölunni

Á sama tíma og Arion banki reynir að selja fyrrum ferðaskrifstofur Andra Más Ingólfssonar þá leggur hann sjálfur drög að endurkomu sinni í ferðageirann.

Þota Primera Air í London. Gjaldþrot flugfélagsins reyndist það mikið högg fyrir Primera Travel Group að Andri Már missti fyrirtækið í hendur Arion banka, helsta lánveitanda samsteypunnar.

Það var í lok júní sem Arion banki tók yfir þær sjö ferðskrifstofur sem áður tilheyrðu Primera Travel samsteypu Andra Más Ingólfssonar. Við yfirtökuna var það yfirlýst markmið bankans að koma ferðaskrifstofunum í verð sem fyrst en ennþá hefur aðeins ein þeirra verið seld.

Í dag er Arion banki því eigandi að fimm ferðaskrifstofum á hinum Norðurlöndunum auk Heimsferða sem lengi hefur verið ein umsvifamesta ferðaskrifstofan hér landi. Og núna undirbýr Andri Már stofnun nýrrar íslenskrar ferðaskrifstofu líkt og Túristi greindi frá í gær. Sú hefur hlotið heitið Aventura Holidays og mun taka til starfa í næsta mánuði.

Samkvæmt svari frá Arion banka þá er ekki litið svo á sem þetta útspil stofnanda Primera Travel Group dragi úr líkunum á að bankinn finni ferðaskrifstofunum nýja eigendur. Í svari bankans er bent á að um sé að ræða rótgrónar ferðaskrifstofur sem allar eru í söluferli.

Í því samhengi má rifja upp að um miðjan nóvember sagði Fréttablaðið frá því að sala á hinum erlendu ferðaskrifstofum Arion banka væri á lokametrunum og vonir stæðu til að salan kláraðist um síðustu mánaðamót. Það gekk þó ekki eftir en samkvæmt heimildum Túrista þá hefur evrópska fjárfestingafélagið Triton skoðað kaup á ferðaskrifstofunum. Það fyrirtæki keypti nýverið stóran ferðaskipuleggjandi í Hollandi og var lengi orðað við norræna starfsemi Thomas Cook samsteypunnar.

Talsmaður Triton hefur þó ekki viljað tjá sig um möguleg kaup á ferðaskrifstofum Arion banka við Túrista. Heimsferðir munu ekki vera hluti af þeim kaupviðræðum.

Líkt og kom fram í frétt Túrista í gær þá er ætlunin að hin nýja ferðaskrifstofa Andra Más nýti sér „nýjustu tækni í þróun bókunarkerfa til að finna hægkvæmustu ferðir fyrir viðskiptavini sína“ samkvæmt því sem segir í atvinnuauglýsingu Aventura. Af þessum texta að dæma þá virðist sem ferðaskrifstofan ætli sér að leggja sérstaklega áherslu á að para saman flugmiða í áætlunarflugi og svo gistingu sem þá mögulega er fengin í gegnum stórar bókunarsíður. Áherslan á klassískar pakkaferðir, líkt og ferðaskrifstofur Andra Más hafa sérhæft sig í hingað til, eru því ekki endilega í forgangi.

Ef þetta er hugmyndin að baki Aventura þá þarf Andri Már að treysta á áætlunarflug til og frá landinu til að koma viðskiptavinum sínum á áfangastað. Hvort þessi tilgáta reynist rétt kemur væntanlega í síðasta lagi í ljós þegar heimasíða Aventura fer í loftið en sem fyrr segir þá hefur Andri Má ekki svarað fyrirspurn Túrista um áform sín.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …