Samfélagsmiðlar

Neysla ferðamanna stendur nærri því í stað þrátt fyrir allt

Jafnvel þó verulegur samdráttur hafi átt sér stað í fjölda ferðamanna hér á landi þá minnkar heildarneysla erlendra ferðamanna hér á landi lítið sem ekkert.

Samkvæmt tölum Hagstofunnar þá hefur heildarneysla erlendra ferðamanna ekki dregist saman í takt við fækkun túrista.

Tekjur af farþegaflutningum með flugi lækkuðu um 29 prósent á þriðja fjórðungi ársins sem skrifast væntanlega að langmestu leyti á fall WOW air. Á þessu þriggja mánaða tímabili fækkaði ferðafólki hér á landi um sautján af hundraði samkvæmt talningu Ferðamálastofu en þrátt fyrir það dróst neysla ferðamanna aðeins saman um 4 prósent. Þetta kemur fram í nýjum skammtímahagvísi Hagstofunnar fyrir ferðaþjónustu.

Á öðrum fjórðungi ársins stóð neysla ferðamanna í stað en þá fækkaði samt ferðamönnunum um fimmtung. En á þeim fyrsta jókst neyslan um átta prósent en WOW air fór í þrot í lok þess tímabils. Ferðafólki fækkaði þá um aðeins fimm af hundraði sem skrifast meðal annars á þá staðreynd að WOW air skar flugáætlun sína þónokkuð saman í ársbyrjun.

Neysla erlendra ferðamanna hér á landi er ekki eini mælikvarðinn í ferðaþjónstu sem hefur þróast með jákvæðari hætti en fjöldi ferðamanna. Í gistitölum Hagstofunnar fyrir október kemur fram að fjöldi hótelnótta útlendinga jókst um nærri þrjá af hundraði og fór yfir 370 þúsund. Svo margar hafa gistinætur útlendinga á íslenskum hótelum ekki áður verið í þessum mánuði. Til samanburðar má nefna að hótelnætur útlendinga voru 338 þúsund í júlí árið 2015 en þann mánuð komu hingað um 181 þúsund ferðamenn en þeir voru 163 þúsund í október.

Þegar horft er til allra skráðra gistikosta þá fækkaði nóttunum um innan við einn af hundraði í október. Aftur á móti fækkaði í heimagistingu um nærri fimmtung samkvæmt áætlun Hagstofunnar. Eins og Túristi hefur áður fjallað um þá vilja talsmenn Airbnb ekkert segja um hvort þessi áætlun Hagstofunnar á umsvifum þeirra sé nærri raunveruleikanum.

FINNST ÞÉR EITTHVAÐ GAGN Í SKRIFUM TÚRISTA?

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …