Samfélagsmiðlar

Ferðamannastraumurinn frá Bandaríkjunum reyndist íslensku flugfélögum dýr

Fjöldi erlendra ferðamanna sem flaug frá Keflavíkurflugvelli í fyrra fór niður fyrir tvær milljónir í fyrra. Langmest munar um fækkun bandarískra ferðamanna en bæði íslensku flugfélögin fór illa út úr sókn inn á bandaríska markaðinn.

Erlendu ferðafólki fækkaði um fjórtán af hundraði í fyrra og fór fjöldinn niður í rétt tæpar tvær milljónir. Til samanburðar voru ferðamenn hér um 2,2 milljónir 2017 og rúmar 2,3 milljónir árið 2018 samkvæmt talningum Ferðamálastofu. Sjötíu prósent af samdrættinum í fyrra má rekja til fækkunar bandarískra ferðamanna en þeir eru eftir sem áður langfjölmennasta þjóðin í hópi ferðamanna hér á landi. Vægi þeirra af heildarfjöldanum var 23,4 prósent í fyrra en var 30 prósent árið áður.

Þessar sviptingar má að miklu leyti rekja til verulegs samdráttar í flugumferð milli Íslands og Bandaríkjanna enda reyndist hin mikla sókn íslensku flugfélaganna inn á bandaríska markaðinn báðum félögum dýrkeypt. Það kom til að mynda berlega í ljós þegar félögin stokkuðu upp leiðakerfi sín því þá duttu út mun fleiri bandarískar en evrópskar borgir.

Þannig felldu félögin, bæði eða í sitthvoru lagi, niður ferðir til Dallas, Cleveland, Tampa, Kansas City, St Louis og Cincinnati og því til viðbótar hætti Icelandair flugi til Baltimore og San Francisco eftir að hafa skorað WOW air á hólm í þessum tveimur borgum. Og ekkert flugfélag tók við Íslandsflugi WOW air frá Los Angeles, Pittsburgh, Detroit eða Baltimore eftir að flugfélagið fór í þrot í lok mars í fyrra. Þó ber að hafa í huga að ástandið á MAX þotum Icelandair kann að skýra hluta af þessum breytingum.

Það munar einnig um að nú í vetur býður Delta Air Lines ekki upp á ferðir til Íslands frá New York en félagið hafði haldið úti ferðum hingað allt árið um kring í nokkur ár.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …