Samfélagsmiðlar

Miklar breytingar á farþegahópi Icelandair í fyrra

Vægi tengifarþega lækkaði verulega í fyrra hjá Icelandair í takt við breyttar áherslur í sölustarfi félagsins.

icelandair radir

Nú skipa ferðamenn á leið til Íslands orðið fleiri sæti en áður um borð í þotum Icelandair.

„Við erum viljandi, út af krefjandi aðstæðum á Via-markaði, að stýra tekjumynduninni inni á To og From,” sagði Eva Sóley Guðbjörnsdóttir, framkvæmdastjóri fjármálasviðs Icelandair Group, á afkomufundi samsteypunnar í apríl í fyrra. Vísaði hún þar til þess að markaðurinn fyrir tengiflug (Via) væri erfiður.

Áherslan hjá Icelandair á nýliðnu ári var þar með á farþega á leið til Íslands (To) og sérstaklega eftir fall WOW air í lok mars. Þessi hópur stækkaði því hratt í fyrra eða um fjórðung frá árinu á undan og taldi samtals 1,9 milljón farþega samkvæmt tilkynningu frá Icelandair.

Erlendir ferðamenn eru bróðurpartur þeirra farþega sem flokkaði eru sem „To-farþegar“ hjá Icelandair en til hópsins teljast líka Íslendingar búsettir í útlöndum. Svokallaðir „From-farþegar“ eru svo þeir sem hefja ferðalagið á Íslandi og eru því í langflestum tilfellum búsettir hér á landi, bæði Íslendingar og útlendingar.

Vegna fyrrnefndrar áherslubreytingar í sölustarfi Icelandair þá hefur tengifarþegum félagsins fækkað og á síðasta ári fór hlutfallið niður í það sem það var árið 2012 eins og sjá má á grafinu hér fyrir neðan.

Á þessu ári verður áherslan sú sama og í fyrra samkvæmt því sem haft er eftir Boga Nils Bogasyni, forstjóra Icelandair Group, í tilkynningu. „Áætlanir okkar hafa því gengið upp og við munum halda áfram á sömu braut á árinu 2020 með uppstillingu leiðakerfisins og áherslum í sölu- og markaðsstarfi okkar. Við gerum ráð fyrir 25-30 prósent aukningu á farþegum til landsins á fyrsta ársfjórðungi þessa árs. Sveigjanleiki í leiðakerfi félagsins gerir okkur kleift að bregðast hratt við breytingum í umhverfinu og mæta eftirspurn.“

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …