Samfélagsmiðlar

Stuðlagil og Vök haft jákvæð áhrif fyrir austan

Nýting á hótelum á Austurlandi hefur aukist í ár. Sú mikla athygli sem Stuðlagil hefur fengið á samfélagsmiðlum hefur þar væntanlega mikið að segja og eins opnun baðstaðarins Vök.

Frá Stuðlagili.

Herbergjanýting á hótelum hefur stóraukist á Austurlandi á árinu. Alls nam nýtingin að meðaltali 47 prósentum borið saman við 40 prósent á sama tímabili í fyrra. „Þetta er langhæsta herbergjanýting sem mælst hefur á Austurlandi en áður hafði hún mælst næsthæst 40,4 prósent árið 2017,“ segir í Hagsjá Landsbankans.

Aðspurð um skýringar á þessari jákvæðu þróun þá segir María Hjálmarsdóttir hjá Austurbú að þær geti verið margvíslegar. „Undir lok árs 2018 hófum við samfélagsmiðlaherferð sem hefur skilað miklum árangri. Við höfum lagt mikið upp úr góðu efni, myndböndum og myndum,“ segir María.

Hún bætir því við að ekki sé hægt að horfa framhjá þeirri miklu athygli sem Stuðlagil hefur fengið og þá sértaklega á Instagram. „Allir helstu ferðaáhrifavaldar hafa heimsótt staðinn sem og stór fyrirtæki eins og Canon og Nikon. Einnig hefur stóra síðan Ladbible birt myndband frá staðnum sem horft hefur verið á 32 milljón sinnum og deilt yfir hundrað þúsund sinnum.“

María bendir jafnframt á jákvæð áhrif nýjungarinnar Vök við Egilsstaði og vinnu við mótun áfangastaðarins. „Þetta helst allt í hendur.“

NÚ GETUR ÞÚ STUTT VIÐ ÚTGÁFU TÚRISTA

Nýtt efni

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …

Sérstakar ívilnanir fyrir kaupendur rafbíla voru felldar úr gildi um síðustu áramót og nú leggst fullur virðisaukaskattur á kaupverðið. Skattaafslátturinn nam áður allt að 1,3 milljónum króna og í flestum tilfellum hækkuðu bílaumboðin verðið á rafbílunum um þessa upphæð. Önnur biðu með að gefa út nýja verðskrá og það var tilfellið hjá Vatt ehf. sem …