Samfélagsmiðlar

Reikna með að fljúga áfram til Kanarí og Tenerife

Nú í vetur hafa þotur Norwegian flogið héðan til nánast daglega til Tenerife og Las Palmas. Ekkert verður framhald á í sumar en þráðurinn verður líklega tekinn upp næsta vetur.

Bæði WOW air og Primera Air voru stórtæk í flugi héðan til bæði Tenerife og Las Palmas en eftir að bæði félögin urðu gjaldþrota fyllti Norwegian skarð þeirra að töluverðu leyti. Í vetur hefur þetta norska lággjaldafélag þannig boðið upp á fjórar til fimm brottfarir til Tenerife í viku hverri og tvær til Las Palmas á Kanarí. Við þetta bætist svo leiguflug Icelandair fyrir ferðaskrifstofur.

Framboð á Spánarflugi frá Keflavíkurflugvelli hefur því verið mjög mikið í vetur en það dregur töluvert úr nú í lok mars þegar sumarááætlun flugfélaganna hefst. Áætlunarflug til Íslands frá Tenerife og Las Palmas er nefnilega ekki hluti af sumarprógrammi Norwegian. Og ennþá hefur félagið ekki hafið sölu á ferðum næsta vetrar.

Það eru þó allar líkur á að þráðurinn verði tekinn upp á ný næsta vetur samkvæmt svari frá Norwegian við fyrirspurn Túrista. Þar er bent á að áætlun flugfélagsins fyrir næsta vetrar liggi ekki fyrir en eins og staðan er núna þá verði þessar flugleiðir hluti af henni.

Hvort Norwegian mun bjóða upp á jafn tíðar ferðir suður á bóginn næsta vetur á eftir að koma í ljós. Það sama má segja um áætlun Icelandair en félagið ætlaði sér stóra hluti í sólarlandaflugi en vegna kyrrsetningar MAX þotanna voru þau áform sett á ís.

NÚ GETUR ÞÚ STUTT ÚTGÁFU TÚRISTA

 

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …