Samfélagsmiðlar

Hinar nýju langdrægu Airbus þotur henta vel í Íslandsflugið

Sætanýtingin í flugi United flugfélagsins til Keflavíkurflugvelli hefur verið há síðustu tvö sumur þrátt fyrir mikið framboð. Sérstaklega fyrra sumarið þegar WOW var ennþá í loftinu. Túristi ræddi við framkvæmdastjóra United um útgerðina hér á landi.

Bob Schumacher, framkvæmdastjóri United Airlines á Bretlandi.

Þriðja sumarvertíð United flugfélagsins á Keflavíkurflugvelli hefst í byrjun júní og munu þotur félagsins fljúga daglega héðan til Newark flugvallar við New York fram í september. Í áætlunarferðirnar til Íslands hefur United notað flugvélar af gerðinni Boeing 757-200 en þær eru framleiddar um síðustu aldarmót og því farið að styttast í að þeim verði lagt. Flugvélar af sömu gerð eru einmitt uppistaðan í flugflota Icelandair.

Aðspurður um hvort Boeing þoturnar séu ekki komnar á tíma og hvaða flugvélar verði þá nýttar í Íslandsflugið þá svarar Bob Schumacher, framkvæmdastjóri hjá United, því til að flugfélagið hafi þegar pantað fimmtíu Airbus A321XLR þotur og þær gætu nýst vel í flug til staða eins og Íslands. Þær eru þó fyrst væntanlegar árið 2024 og ítrekar Schumacher því að Boeing þoturnar eigi ennþá töluvert eftir enda hafi þær verið með þeim síðustu sem framleiddar voru á sínum tíma. Þær séu þar með ekki eins gamlar og margar aðrar sem ennþá eru í notkun annars staðar í heiminum.

Fyrsta sumarið sem United flaug til Íslands þá atti það kappi við bæði Icelandair og WOW air í flugi frá Newark til Íslands. Breytti það miklu fyrir sætanýtinguna og fargjöldin í fyrra að WOW air var horfið af markaðnum? „Það var greinilegur munur á framboðinu í fyrra og sætanýtingin aðeins hærri þó hún hafi reyndar verið há fyrra sumarið líka. Meðalfargjaldið hækkaði líka enda var framboðið of mikið árið áður,” segir Schumacher. Það hafði líka jákvæð áhrif í fyrra, að mati framkvæmdastjórans, að þá var United komið með reynslu af flugi til Íslands.

Þrátt fyrir jákvæða þróun þá er ekki á teikniborðinu hjá bandaríska flugfélaginu að halda úti flugi hingað allt árið um kring. „Við verðum að læra að ganga áður en við tökum á sprett,” svarar Schumacher. Hann segir að félagið verði að afla sér meiri reynslu af Íslandsflugi áður en starfsemin yrði aukin. Það eigi líka við um flug frá fleiri borgum en starfsstöðvar United eru í dag á sjö bandarískum flugvöllum.

„Styrkleiki United er meðal annars fólgin í leiðakerfinu og miklum umsvifum á okkar helstu starfsstöðvum. Þar með geta farþegar flogið með okkur frá fjöldamörgum borgum til Newark og þaðan til Íslands. Rétt um helmingur þeirra sem flýgur með okkur til Íslands byrjar ferðalagið í Newark, hinir koma alls staðar að frá Bandaríkjunum, Suður-Ameríku og jafnvel frá Auckland á Nýja-Sjálandi,“ segir Schumacher að lokum.

Fyrsta ferð sumarsins á vegum United frá Keflavíkurflugvelli verður þann 5. júní og sú síðasta 30. september. Brottfarir eru héðan rétt fyrir hádegi og lent um klukkan tvö eftir hádegi að staðartíma vestanhafs.
Sem fyrr segir notast United við Boeing 757-200 þotur og í þeim eru sextán sæti á viðskiptafarrými og 153 á hefðbundnu, þar af 45 á svokölluð Economy Plus sæti.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …