Samfélagsmiðlar

Ekki stórar breytingar á Íslandsflugi easyJet næsta vetur

Breska lággjaldaflugfélagið easyJet hefur lengi verið umsvifamikið á Keflavíkurflugvelli og miðað við nýja vetraráætlun félagsins þá er útlit fyrir að svo verði áfram. Þó stefnir í að ekki verði flogið milli Íslands og Belfast næsta vetur.

Belfast City Hall

Frá Belfast. Miðað við nýja vetraráætlun easyJet þá munu þotur félagsins ekki fljúga hingað frá þeirri borg næsta vetur.

Nú eru átta ár liðin frá því að easyJet hóf áætlunarflug til Íslands. Til að byrja með flugu þotur félagsins hingað þrisvar í viku frá Luton við London en fljótlega bættust við fleiri flugleiðir. Þegar mest lét bauð easyJet upp á reglulegar ferðir frá sjö breskum flugvöllum og tveimur svissneskum.

Áherslan á Íslandsflug hjá stjórnendum breska félagsins minnkaði aftur á móti í fyrra og hittifyrra og til að mynda datt flugið frá Sviss upp fyrir.

Akkúrat núna liggur stór hluti af starfsemi easyJet niðri, líkt og annarra flugfélaga, vegna útbreiðslu kórónaveirunnar. Engu að síður var sölufólk þess að opna fyrir bókanir á flugmiðum næsta vetrar. Og af framboðinu að dæma þá mun félagið halda áfram næsta vetur að fljúga hingað frá Bristol, Edinborg, Manchester og svo flugvöllunum Gatwick og Luton sem eru báðir í nágrenni við London.

Aftur á móti hefur easyJet ekki ennþá ekki sett í sölu áætlunarferðir hingað frá Belfast á Norður-Írlandi. Það stefnir þar með að íbúar borgarinnar geti ekki lengur flogið beint til Íslands úr heimabyggð en á tímabili flugu bæði easyJet og Air Iceland Connect til borgarinnar.

Samkvæmt athugun Túrista þá gerir easyJet ráð fyrir álíka ferðafjölda hingað næsta vetur ef frá er talin flugið frá Belfast. Þaðan flugu þotur félagsins tvisvar í viku til Keflavíkurflugvelli í vetur.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …