Samfélagsmiðlar

Fulltrúar Valitor, Íslandsbanka og CIT orðnir innherjar hjá Icelandair

Síðustu daga hefur innherjalisti Icelandair samsteypunnar lengst hjá Fjármálaeftirlitinu.

Í þessari viku hafa nöfn fimm starfsmanna, hjá þremur fjármálafyrirtækjum, bæst við lista Fjármálaeftirlitsins yfir innherja hjá Icelandair Group. Tveir þeirra eru sérfræðingar Valitor en það fyrirtæki er færsluhirðir Icelandair.

Það þýðir að Valitor ber ábyrgð gagnvart farþegum á öllum greiðslukortabókunum. Það er svo sérfræðinga Valitor að leggja mat á hversu hátt hlutfall af sölu ónotaðra farmiða Icelandair fær til ráðstöfunar. Sem dæmi má nefna að WOW air fékk fyrst söluverð farmiðanna eftir að farþegarnir voru komnir heim. Færsluhirðir flugfélagsins mat hættuna á rekstrarstöðvun félagsins það mikla.

Starfsmenn í fyrirtækjaráðgjöf Íslandsbanka eru líka nýir á lista yfir innherja hjá Icelandair. Á heimasíðu Íslandsbanka segir að fyrirtækjaráðgjöf bankans hafi umsjón með kaupum, sölu, yfirtöku og samruna fyrirtækja. Hlutafjárútboð eru einnig eitt af sérsviðum deildarinnar.

Þriðja fyrirtækið sem hefur fengið fulltrúa á lista Icelandair er CIT Bank. Sá banki lánaði Icelandair samtals um átta milljarða króna í desember síðastliðnum. Um var að ræða endurfjármögnun vegna uppgreiðslu skuldabréfaflokka félagsins fyrr á þessu ári.

Aðspurð um skýringar á þessum nýju viðbótum við innherjalista Icelandair þá segir Ásdís Pétursdóttir, upplýsingafulltrúi flugfélagins, að þau tjái sig ekki um einstaka innherja hjá félaginu né ástæðu fyrir veru viðkomandi á innherjalista. „Það er hins vegar eðlilegt að fulltrúar frá fjármögnunaraðilum og ráðgjafar séu á innherjalista hjá skráðum félögum.“

Eins og öllum er ljóst þá er hefur staðan í heimsbúskapnum versnað gríðarlega síðustu vikur vegna útbreiðslu kórónaveirunnar. Sú staða hefur komið sérstaklega illa niður á flugfélögum enda hafa landamæri lokast og ferðabann ríkir víða. Stjórnvöld á hinum Norðurlöndunum hafa í vikunni tilkynnt um stuðning við flugrekstur í sínum löndum, til dæmsi með lánaábyrgðum. Ennþá hafa þess háttar sér aðgerðir ekki verið boðaðar hér á landi.


Viltu styðja Túrista?

Nú þegar á virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem þykir gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …