Samfélagsmiðlar

Ferðaskrifstofur bíða svara frá stjórnvöldum

Þær lausnir sem Danir og Norðmenn hafa kynnt til að koma til móts við ferðaskrifstofur í yfirstandandi krísu eru ekki í boði hér á landi. Stjórnarformaður Heimsferða segir að eina útspil stjórnvalda hafi verið bón til farþega að taka við inneignarbréfum. Hann telur þá lausn takmarkaða.

„Auk almennra aðgerða hér heima þá hafa aðeins komið tilmæli frá Neytendastofu þar sem viðskiptavinir ferðaskrifstofa eru hvattir til að þiggja inneignir hjá ferðaaðilum," segir Jón Karl Ólafsson, stjórnarformaður Heimsferða.

Íslenskar ferðaskrifstofur verða að endurgreiða ferðir, sem felldar eru niður vegna útbreiðslu kórónaveirunnar, innan tveggja vikna líkt og bæði Neytendastofa og Atvinnuvegaráðuneytið gáfu út í síðustu viku. Aftur á móti gengur það hægt fyrir ferðaskrifstofurnar sjálfar að fá flugmiða endurgreidda, þar á meðal frá Icelandair, líkt og Þórunn Reynisdóttir, forstjóri Úrval-Útsýn, fór yfir við Túrista í gær.

Að endurgreiða söluverð án þess að fá kostnaðinn tilbaka, þar á meðal farmiðaverðið, getur sett ferðaskrifstofur í erfiða stöðu. Og í nágrannalöndunum virðist ríkja meiri skilningur á því hjá stjórnvöldum að endurgreiðslukrafan geti reynst ferðaskrifstofum þung.

Jón Karl Ólafsson, stjórnarformaður Heimsferða, bendir þannig á að á hinum Norðurlöndunum og víða í Evrópu hafi stjórnvöld stigið mjög ákveðið inn í þessa stöðu og þannig muni tryggingarsjóðurinn í Danmörku taka að sér að greiða og tryggja greiðslur til viðskiptavina. „Norðmenn hafa líka tilkynnt um lausnir til að aðstoða aðila vegna sömu mála,“ bætir Jón Karl við.

Hann telur að með aðgerðunum verði komið í veg fyrir að ferðaskrifstofur í þessum löndum lendi í greiðsluvanda vegna endurgreiðslu þjónustu. Öfugt við það sem gæti gerst hér á landi og segir Jón Karl að forsvarsfólk ferðaskrifstofa hafi reynt að fá svör alla síðustu helgi um mögulega lausn, varðandi endurgreiðslur á þjónustu sem ekki er hægt að veita vegna ástandsins, en ekki fengið .

„Auk almennra aðgerða hér heima þá hafa aðeins komið tilmæli frá Neytendastofu þar sem viðskiptavinir ferðaskrifstofa eru hvattir til að þiggja inneignir hjá ferðaaðilum. Þetta mun hafa mun minni áhrif en vonast var til. Það væri einfaldast að fresta endurgreiðslum með reglugerð á meðan að þetta ástand varir. Jafnframt ber að benda á að tryggingar ferðaskrifstofa eigi að tryggja allar innistæður. Bæði þær sem koma til endurgreiðslu og einnig hinar sem verða í formi inneigna sem nota má til kaupa á ferðum þegar eftirspurn fer aftur í gang,“ segir Jón Karl að lokum.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …