Samfélagsmiðlar

Norska ríkið ætlar að ábyrgjast lán til Norwegian og SAS

Þá er ljóst að norska lággjaldaflugfélagið Norwegian mun fá séraðstoð frá hinu opinbera.

Forstjóri Norwegian hefur síðustu daga ítrekað að það standi tæpt hjá félaginu. Lausafé er af skornum skammti og á blaðamannafundi í lok síðustu viku áréttaði hann að félagið þyrfti svar frá norskum ráðamönnum fljótt.

Í viðtali við Dagens Nærlingsliv í Noregi í gær útilokaði hann ekki að norska ríkið gæti orðið hluthafi í félaginu en þá yrði það að gerast án hefðbundinnar áreiðanleikakönnunar. Fyrir þess háttar væri einfaldlega enginn tími nú þegar útbreiðsla kórónaveirunnar er farin að valda meiriháttar krísu í flug- og ferðageiranum.

Nú í kvöld sagði norska viðskiptablaðið svo frá því að til stæði að veita Norwegian lánaábyrð upp á þrjá milljarða norskra króna frá norska ríkinu. Það jafngildir 37,5 milljörðum íslenskra króna.

SAS sem einnig er stórtækt í flugi í Noregi fær sömuleiðis lánaábyrgð frá norska ríkinu en þó uppá helmingi lægri upphæð.

Norwegian mun ekki fá nema tíu prósent upphæðinnar í fyrstu atrennu og þá aðeins ef almennir bankar eru til í að leggja tíu prósent mótframlag. Ef Norwegian nær svo að semja um lægri vexti og afborganir af núverandi skuldum fær félagið 15 milljarða í viðbót. Síðustu 19 milljarðarnir fást svo þegar staða Norwegian eru orðin stöðug.

Norska ríkið seldi tíu prósent hlut sinn í SAS fyrir nærri tveimur árum síðan en Svíar og Danir héldu eftir sínum hlutum og eiga í dag samtals 30 prósent í félaginu. Ríkisstjórnir Svíþjóðar og Danmerkur gáfu út á þriðjudag að þau myndu sameiginlega ábyrgjast lán til SAS upp á rúma fjörtíu milljarða króna.

Samtals hafa stjórnendur SAS því núna aðgang að lánaábyrgðum frá skandinavísku ríkissjóðunum upp á nærri fimmtíu milljarða króna.

Líkt og komið var inn á í viðtali Túrista við Boga Nils Bogason, forstjóra Icelandair Group, þá bindur forsvarsfólk félagsins fyrst og fremst vonir við almennar aðgerðir en ekki sérstakar til handa Icelandair. Nú liggur aftur á móti fyrir að tveir af helstu keppinautum félagsins fá fyrirgreiðslur frá hinu opinbera í Skandinavíu.


Viltu styðja Túrista?

Nú þegar á virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …