Samfélagsmiðlar

Kallar eftir að verkalýðshreyfingin komi líka til móts við fyrirtækin

Forstjóri Arctic Adventures segir að ekki einu sinni stöndug fyrirtæki lifa lengi án tekna. Hann bíður eftir tillögum ríkisstjórnarinnar en kallar líka eftir útspili frá stéttarfélögum og fjármálafyrirtækjum.

Við samruna Arctic Adventures og Into the Glacier í lok síðasta árs varð til stórfyrirtæki í ferðatengdri afþreyingu. Hjá fyrirtækinu starfa um fjögur hundruð manns og nær starfsemi þess til allra landshluta. 

„Við erum sennilega eina ferðaþjónstufyrirtækið á ykkar sviði sem er fjárhagslega vel stætt. Þar á ég við fyrirtæki sem hafa náð einhverri stærð. Það er hins vegar ljóst að ekkert félag lifir af sex til níu mánuði án tekna,” svarar Styrmir Þór Bragason, forstjóri Arctic Adventures, aðspurður um stöðu félagsins í dag. En Arctic Adventures líkt og önnur ferðaþjónustufyrirtæki finna fyrir því að botninn er alveg dottin úr eftirspurn eftir ferðalögum vegna útbreiðslu kórónaveirunnar.

Styrmir bendir á að þar sem ferðaþjónusta er mannfrek atvinnugrein þá kosti það fyrirtækin töluvert að fækka fólki eins og nú sé þörf á að gera. Þess háttar aðgerðir eru þar með sérstaklega erfiðar á sama tíma og tekjurnar eru engar. 

„Við teljum að það þurfi að koma mjög afgerandi áætlun frá ríkisstjórninni varðandi þau mál. Og það er ánægjulegt að sjá að von er á tillögum um hvernig ríkið getur tekið yfir hluta af launakostnaði fyrirtækja. Jafnvel 75 til 80 prósent miðað við ákveðið hámark og ég tel að það væri gott útspil þó það verði tímabundið. Við vitum auðvitað ekki í dag hversu lengi þessi krísa varir,” segir Styrmir.

Hann undirstrikar að aðgerðir ríkisstjórnarinnar dugi ekki einar og sér. Styrmir biðlar því líka til stéttarfélaga og fjármálafyrirtækja.

„Við höfum farið í gegnum gríðarlega mikla hagræðingu hjá fyrirtækinu en allt það sem sú vinna hefur skilað hefur í raun farið í launhækkanir og kjarabætur. Framundan er svo önnur há launahækkun líkt og samið var um í lífskjarasamningunum. Nú verður verkalýðshreyfingin hins vegar að koma til móts við greinina og hjálpa þeim fyrirtækjum, sem eru vel rekin, að komast í gegnum erfiðleikana. Ef ekki þá skilur forsvarsfólk launþega ekki hlutverk sitt sem er ekki síður að tryggja störf en að krefjast hærri launa.”

Og hvað fjármálafyrirtækin varðar þá er hann á því að þónokkur ferðaþjónustufyrirtæki hafi í raun verið gjaldþrota í töluverðan tíma. Þeim hafi aftur á móti verið haldið gangandi af bönkum og öðrum fjármálafyrirtækjum. 

„Mörg þessara fyrirtækja hafa staðið í undirboðum á markaðnum. Það hefur því ekki verið eðlileg samkeppni í gangi. Bankarnir áttu fyrir löngu að vera búnir að setja þessi fyrirtæki í þrot eða beita sér fyrir hagræðingu og sameingum. Sérstaklega eftir að ljóst var að það stefni í samdrátt. Aftur á móti skiptir þetta kannski ekki máli í dag. Núna er krísan svo djúpstæð að bankarnir geta ólíklega boðið upp á þennan blekkingaleik mikið lengur,” segir Styrmir. 

Hann bætir því við að hann telji að fyrirtækið komist í gegnum þetta tímabil en það verði krefjandi. „Ég hef fulla trú á að Ísland verði eftir sem áður áhugaverður áfangastaður.”


Viltu styðja Túrista?

Nú þegar á virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …