Samfélagsmiðlar

Staða íslenskra farþega óljósari en sænskra

Það kemur skýrt fram á vefsíðum ferðaskrifstofa í Svíþjóð, Noregi og Danmörku að farþegar sem eigi bókaðar pakkaferðir næstu fjórar vikur fái þær endurgreiddar ef þeir óska. Hér heima ætti staðan að skýrast síðar í dag.

Frá Alicante á Spáni.

Líkt og hér á landi þá hafa skandinavísk stjórnvöld mælst til þess að þegnar sínir séu ekki að óþörfu á ferðalagi út í heimi næstu fjórar vikur. Forsætisráðherrar Danmerkur og Noregs gáfu út sínar tilskipanir í lok síðustu viku og í þessum löndum er verið að loka flugvöllum.Þar með ómögulegt fyrir Dani og Norðmenn að komast í utanlandsferðir á næstunni og ferðaskrifstofur í löndunum bjóða nú endurgreiðslur á pakkaferðum með brottfarir á næstu fórum vikum.

Hér heima og í Svíþjóð er staðan önnur því engum flugvöllum verður lokað. Í löndunum tveimur ráða yfirvöld fólki þó frá ferðalögum til útlanda. Íslensk stjórnvöld sendu þess háttar viðvörun frá sér í gær og í gærkvöld kom sambærileg tilkynning frá sænska utanríkisráðuneytinu.

Strax í framhaldinu var að finna upplýsingar á heimasíðum sænskra ferðaskrifstofa þar sem fram kom að farþegar sem ættu bókaðar ferðir næstu fjórar vikur gætu breytt ferðatilhögun eða fengið endurgreitt. Á vefsíðum stærstu ferðaskrifstofanna í Svíþjóð, TUI og Ving, kemur þetta skýrt fram og líka hjá Solresor sem er ein þeirra sex norrænu ferðaskrifstofa sem Arion banki á.

Á heimasíðu Heimsferða, sem jafnframt er í eigu Arion, er ennþá ekki að finna svona skýrar leiðbeiningar um stöðu farþega. Sömu sögu er að segja um heimasíður Vita og Úrval-Útsýn en þessar þrjár ferðaskrifstofur eru þær umsvifamestu í sölu á pakkaferðum til útlanda.

Tómas J. Gestsson, forstjóri Heimsferða, bendir á, í svari til Túrista, að tilmæli utanríkisráðuneytisins hafi fyrst komið seinnipartinn gær. Hann segir að í dag verði fundað með Ferðamálastofu um stöðuna og í framhaldinu verði upplýsingar sendar til farþega.

Samkeppniseftirlitið heimilaði í gær samstarf ferðaskrifstofa sem miðar að því að tryggja að viðskiptavinir þeirra komist til síns heima og um leið takmarka það tjón sem hljótast mun af því fordæmalausa ástandi sem nú ríkir eins og segir á vef eftirlitsins. Það má því búast við því að forsvarsfólk ferðaskrifstofanna skoði nú möguleikan á að sameinast um flug, t.d. frá Spáni þar sem flestir farþegar eru núna.

Réttur þeirra sem ferðast á eigin vegum, þ.e. þeir sem hafa keypt flug og hótel í sitthvoru lagi, kann að vera allt annar og minni en ferðamanna í pakkaferð. Þannig heldur Norwegian úti áætlunarflugi hingað frá Alicante, Barcelona, Tenerife og Las Palmas og má gera ráð fyrir að fjöldi þeirra Íslendinga sem er á Spáni núna hafi nýtt sér þær ferðir til að komast út.

Á heimasíðu Norwegian segir að farþegar geti breytt farseðlum en þó gegn þóknun nema keyptir hafi verið dýrari farmiðar sem gefi rétt á breytingum án endurgjalds. Það er líka tekið fram að þeir sem hafa bókað farmiða með Norwegian í gegnum þriðja aðila, t.d. ferðaskrifstofu eða netbókunarsíðu, verði að hafa samband við viðkomandi fyrirtæki.

Viðbót: Samtök sænskra ferðaskrifstofa leggjast gegn því að aðildarfyrirtæki endurgreiði farþegum með þeim hætti sem að ofan er rakið. Sjá hér

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …