Samfélagsmiðlar

Eigandi WOW vill líka blása lífi í Alitalia

Michele Roosevelt Edwards og viðskiptafélagar hennar hjá USAerospace Associates hafa lýst áhuga sínum á að bjarga ríkisflugfélagi Ítalíu.

alitalia nytt

Biðin eftir því að WOW air hefji flug á ný hefur verið mun lengri en gert var ráð fyrir en í ljósi aðstæðna í heiminum þá má fullyrða að það hefði reynst félaginu dýrkeypt ef starfsemin hefði farið á flug nú í ársbyrjun. Reyndar hefur aldrei legið almennilega fyrir hvort áherslan hjá WOW verður á frakt- eða farþegaflutninga en fyrrnefndi geirinn gengur skiljanlega mun betur í dag en sá seinni.

Það hefur einnig leikið vafi á því hvort hið endurreista WOW air verðir með íslenskt flugrekstrarleyfi en það hefur þó komið fram að félagið ætlar sér að halda úti starfsemi á Ítalíu. Og nú sjá Michele Roosevelt Edwards og viðskiptafélagar hennar hjá USAerospace Associates, eiganda WOW air, tækifæri í frekari landvinningum á Ítalíu. Því samkvæmt frétt flugritsins Ch-aviation þá hafa þau lýst yfir áhuga sínum á að kaupa Alitalia, stærsta flugfélag Ítalíu. Það flugfélag hefur lengið barist í bökkum og verið í höndum ítalska ríkisins beint eða óbeint síðustu ár.

Í tilkynningu frá Edwards sem birst hefur í ítölskum fjölmiðlum, þar á meðal á vefsíðu dagblaðsins la Repubblica, segir að það sé von hennar að reisa Alitalia upp til fyrri dýrðar og til þess hafi hún fjármagn upp á 1,5 milljarð dollara. Það jafngildir um 213 milljörðum króna eða um tuttugufaldri þeirri upphæð sem hún hefur sagst ætla að leggja í WOW air.

Edwards ítrekar í tilkynningu sinni til ítalskra fjölmiðla að fyrirtæki hennar USAerospace Associates sé um 60 milljarða króna virði og með starfsemi í fimm löndum, þar á meðal í tveimur Evrópuríkjum, þ.e. Austurríki og Íslandi.

Hvað sem verður um áformin um yfirtöku á Alitalia þá hafa stjórnendur þess sent heim 6.860 starfsmenn síðustu daga.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …