Samfélagsmiðlar

Lækkuðu kaupverð hótelanna um nærri 1,5 milljarð króna

Berjaya Land Berhad sem keypti Icelandair hótelin fékk vænan afslátt af lokagreiðslunni.

Canopy by Hilton í miðborg Reykjavíkur tilheyrir Icelandair hótelunum.

Það var í fyrra sem Icelandair Group seldi 75 prósent hlut í hótelfyrirtæki samsteypunnar til malasíska félagsins Berjaya Land Berhad. Í tilkynningu í lok síðasta árs sagði að lokagreiðslan vegna viðskiptanna, 40 milljónir dollara eða 4,9 milljarðar króna, yrðu greidd 28. febrúar í ár.

Þeirri lokagreiðslu var svo skipt í tvennt. Fyrri hlutinn greiddur á umsömdum tíma en sá seinni væri væntanlegur í lok maí. Fyrr í dag tilkynnti Icelandair aftur á móti að lokagreiðslan yrði innt af hendi á eftir og hún myndi nema  10,3 milljónum dollars í stað 20,3 milljóna dollara. Mismunurinn jafngildir nærri 1,5 milljarði króna miðað við gengi dagsins.

Þó ber að hafa í huga að gengi krónunnar hefur veikst töluvert vegna ástandsins sem nú ríkir vegna útbreiðslu kórónaveirunnar. Ef horft er til þeirrar krónutölu sem Icelandair setti sjálft, um síðustu áramót, á lokagreiðsluna þá nemur afslátturinn 900 milljónum króna.

Þessi hái afsláttur á lokagreiðslu vekur spurningar um hvort samningsstaða kaupandans hafi breyst honum svona verulega í vil síðustu daga og þá vegna þeirra neikvæðu áhrifa sem útbreiðsla Covid-19 veirunnar hefur valdið á flestum sviðum. Einnig gæti lausafjárstaða Icelandair haft þarna eitthvað að segja enda ljóst að flugfélög víða um heim eru í mjög þröngri stöðu nú þegar engar tekjur koma inn.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …