Samfélagsmiðlar

Þýska ríkið gæti eignast hlut í Lufthansa

Lufthansa samsteypan rekur nokkur stór flugfélög á meginlandi Evrópu. Félagið er í miklum fjárhagsvanda og lán frá þýskum stjórnvöldum nægir mögulega ekki.

Níu af hverjum tíu flugvélum Lufthansa hefur verið lagt vegna krísunnar sem kórónaveiran hefur valdið. Staðan er álíka á dótturfélögum þýska flugfélagsins í Sviss, Austurríki, Belgíu og Ítalíu. Á sama tíma koma ekki inn neinar tekjur.

Staðan er orðin það slæm að viðræður munu standa yfir um hvernig þýska ríkisstjórnin geti komið félaginu til bjargar. Samkvæmt frétt Reuters er ekki aðeins horft til lánaábyrgðar. Til skoðunar er að þýska ríkið verði hluthafi í þessari stærstu flugfélagasamteypu Evrópu og muni um leið leggja fyrirtækinu til nokkra milljarða evra.

Lufthansa er ekki eina stóra flugfélagið sem nú stendur á brauðfótum. Stjórnendur stærstu flugfélaga Bandaríkjanna eru þessa dagana að fara yfir hvort og þá hvernig staðið verði að umsókn úr þeim björgunarsjóði sem bandarísk yfirvöld hafa eyrnamerkt fluggeiranum þar í landi.

Í Skandinavíu hafa ríkisstjórnir landanna þriggja allar boðið SAS lánaábyrgðir og Norwegian vinnur að því að uppfylla þau skilyrði sem norsk stjórnvöld hafa sett því félagi.

Ekkert hefur heyrst af mögulegri beinni aðkomu íslenska ríkisins að Icelandair eða flugrekstri almennt.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …