Samfélagsmiðlar

Hafa uppfyllt kröfur um ríkisaðstoð

Nú þegar búið er að stytta skuldahalann og auka eigið fé félagsins á fær Norwegian loks nærri fjörutíu milljarða króna frá norska ríkinu.

Fyrir tveimur mánuðum síðan gaf norska ríkisstjórnin út vilyrði til að lána Norwegian allt þrjá milljarða norskra króna vegna þeirra búsifja sem útbreiðsla kórónaveirunnar hafði valdið. Upphæðin jafngildir um 43 milljörðum íslenskra króna en Norwegian fékk aðeins tíund af summunni í fyrstu atrennu. Skilyrðið sem norsk stjórnvöld settu fyrir bróðurparti lánsins var að flugfélagið myndi semja við kröfuhafa og auka eigið fé.

Strax í framhaldinu tóku við samningaviðræður við eigendur skuldabréfa og flugvélaleigur um að breyta skuldum í eigið fé. Þótti mörgum greinendum í Noregi það óhugsandi að flugvélaeigendur myndu sættast á þess háttar enda óþekkt að svoleiðis fyrirtæki eigi hlut í flugfélagi.

Þetta tókst engu að síður og sátu eldri hluthafar uppi með aðeins 5,2 prósent hlut í Norwegian. Í dag er því flugvélaleigan Aercap Holdings orðinn stærsti hluthafinn í norska flugfélaginu með 15,9 prósent hlut.

Nýju hlutafjárútboði lauk svo í byrjun vikunnar og þar var umframeftirspurnin margföld. Þrátt fyrir að fyrir lægi að þriðjungur af upphæðinni færi í greiðslu á þóknun til banka og verðbréfafyrirtækja vegna nauðasamninganna við kröfuhafa.

Og nú í morgun tilkynntu stjórnendur Norwegian að félagið væri búið að uppfylla þær kröfur sem settar voru fyrir lánveitingunni um miðjan mars. En á fundi með blaðamönnum fyrr í þessum mánuði viðurkenndi fjármálastjóri Norwegian að skilyrði stjórnvalda á sínum tíma hafi verið kveikjan að neyðarsamningunum við kröfuhafa og flugvélaleigur.

Norwegian hefur verið mjög stórtækt í Spánarflugi frá Keflavíkurflugvelli en búast má við að félagið geri hlé á útgerð sinni frá Spáni fram á næsta vor. Stjórnendur þess hafa nefnilega boðað að Norwegian muni aðeins halda úti flugi með sjö flugvélum í Noregi það sem eftir lifir árs og fram til loka mars á næsta ári. Ennþá býður Norwegian þó til sölu flugmiða héðan til bæði Alicante og Barcelona.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …