Samfélagsmiðlar

Lengri bið eftir bata á hótelum í Reykjavík

Því er almennt spáð að ferðaþjónustufyrirtæki hér heima og í útlöndum verði fyrst að treysta á heimamarkaðinn og svo nágrannalöndin. Ferðalög milli heimsálfa muni áfram vera takmörkuð. Ef þessi spá gengur eftir þá kemur Reykjavík ekki vel út samkvæmt nýjum samanburði milli Evrópuborga.

Þegar fólk kemst á ferðina á ný þá mun það fyrst horfa til þess að ferðast innanlands og svo til nágrannaríkjanna. Aftur á móti munu margir bíða með ferðalög til annarra heimsálfa. Þetta er nokkuð almenn framtíðarsýn innan ferðaþjónustunnar og endurspeglast til að mynda í yfirlýsingum forstjóra flugfélaga þessa dagana og forsvarsfólks ferðamálaráða.

Þetta ferðamynstur er líka forsenda nýrrar úttektar Oxford Economics þar sem lagt er mat á hversu vel hótelmarkaðurinn í hinum ýmsu borgum Evrópu stendur þegar ferðatakmarkanir verða loks felldar úr gildi. Borgir þar sem vægi innlendra hótelgesta er hátt koma þá best út úr samanburðinum og líka ef margir túristar koma frá nálægum löndum. Aftur á móti vinnur það gegn áfangastöðum ef ferðamennirnir koma að miklu leyti frá öðrum heimsálfum.

Hér á landi er hlutfall ferðamanna frá Norður-Ameríku einmitt mjög hátt og heimamarkaðurinn lítill. Þar með flokkast Reykjavík sem óstöðugur hótelmarkaður í úttekt Oxford Economics. Það gera líka borgir eins og Flórens, Feneyjar, Istanbúl, Seville og Zurich. Aftur á móti eru til dæmis Stokkhólmur og Ósló alveg á hinum endanum þar sem hlutfall heimamanna á hótelum þar er mjög hátt.

Þegar horft er til gistináttatalna Hagstofunnar þá sést að Íslendingar sjálfir stóðu undir sjö af hverjum hundrað gistinóttum á reykvískum hótelum í fyrra. Á hótelum í Stokkhólmi eru Svíar hins vegar í nærri tveimur af hverjum þremur herbergjum ef svo má segja. Hlutfall evrópskra gesta er líka mun hærra í sænsku höfuðborginni en þeirri íslensku eins og má súluritinu hér fyrir neðan.

Stokkhólmur kemur því einna best út úr samanburði Oxford Economics en Reykjavík mun verr miðað við þær forsendur að ferðalög muni til að byrja með mest vera innanlands og milli nágrannaríkja. Það gæti þó vegið upp á móti þessari niðurstöðu að það tekur íbúa á austurströnd Norður-Ameríku mun skemmri tíma að fljúga hingað en til meginlands Evrópu.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …