Samfélagsmiðlar

Mega halda áfram vinnu við Íslandsherferðina

Kærunefnd útboðsmála telur ekki vankanta á útboði Ríkiskaupa á markaðsherferð Íslandsstofu.

Island seljalandsfoss taylor leopold

Það bárust fimmtán umsóknir í framkvæmd á markaðsátaki Íslandsstofu sem ætlað er að styðja við stöðu Íslands sem áfangastaðar þegar ferðalög hefjast á ný.

Breska auglýsingastofan M&C Saatchi hlaut flest stig þrettán manna dómnefndar í útboðinu eða 87,17 stig af hundrað mögulegum. Í öðru sæti var íslenska auglýsingastofan Pipar/TBWA með 86,35 stig.

Forsvarsfólk Pipar/TBWA kærði niðurstöður útboðsins á þeim grundvelli að skila hafi átt tilboðum með virðisaukaskatti en þar sem M&C Saatchi er erlent fyrirtæki, sem er ekki virðisaukaskattskylt á Íslandi, þá hafi það raskað jafnræði bjóðenda. Einnig benda stjórnendur Pipar/TBWA á að breska fjármálaeftirlitið kanni nú möguleg bókhaldsbrot M&C Saatchi.

Auk þess er vísað til þess í kærunni að einn þeirra þrettán sem sat í valnefndinni gaf Pipar/TBWA aðeins þrjú stig í öllum matsflokkum sem hafi verið algjörlega á skjön við niðurstöður annarra nefndarmanna.

Kærunefnd útboðsmála hefur nú fjallað um málið og í nýjum úrskurði nefndarinnar segir að röksemdir kæranda ekki geta stutt við að stöðvun útboðsins verði viðhaldið. Þar með verði stöðvuninni aflétt sem þýðir þá að M&C Saatchi, ásamt íslensku auglýsingastofunni Peel, getur haldið vinnu sinni áfram við markaðsátak Íslandsstofu.

Íslensk stjórnvöld ætla að setja 1,5 milljarð króna í þessa herferð og þar af fara um þrjú hundruð milljónir í vinnslu á markaðsefninu sjálfu. Stærsti hluti fjármagnsins nýtist því í kaup á auglýsingabirtingum á samfélagsmiðlum og erlendum fjölmiðlum.

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …