Samfélagsmiðlar

Telur að önnur flugfélög myndu leysa Icelandair af hólmi

Það gæti tekið lengri tíma fyrir hagkerfið að taka við sér aftur ef Icelandair yrði gjaldþrota að mati seðlabankastjóra. Hann segist þó ekki sjá svo mikil áhrif til skemmri tíma.

Ásgeir Jónsson seðlabankastjóri.

Hluthafar Icelandair Group eiga að koma saman seinnipartinn á morgun og greiða atkvæði um að auka hlutafé félagsins í þeim tilgangi að bæta úr slæmri lausafjárstöðu. Stjórnendur Icelandair höfðu sett sér það markmið að ná langtíma kjarasamningum við flugstéttir fyrir fundinn en Flugfreyjufélag Íslands hafnaði í gær svokölluðu lokatilboði flugfélagsins.

Ásgeir Jónsson, seðlabankastjóri, var spurður út í þessa tvísýnu stöðu Icelandair í Kastljósi RÚV í gærkvöld og sagðist hann ekki telja að gjaldþrot flugfélagsins hefði mikil áhrif til skemmri tíma. Vísaði Ásgeir þar til þess að spár bankans geri ráð fyrir því að hingað komi ekki margir ferðamenn það sem eftir lifir árs.

„Þegar litið er fram munu koma önnur flugfélög. Þessi þekking er til staðar í landinu,“ sagði Ásgeir. Hann bætti við að með falli Icelandair gæti hagkerfið orðið seinna að taka við sér eftir COVID-19 faraldurinn.

Segja má að þessi greining seðlabankasstjóra sé í takt við það sem Harpa Jónsdóttir, þáverandi framkvæmdastjóri fjármálastöðugleikasviðs bankans, sagði í viðtali við Viðskiptablaðið fyrir tveimur árum síðan. Þá var umræðan um mögulegt greiðslufall Icleandair og WOW air að komast í hámæli. Fullyrti Harpa að ef eftirspurn væri til staðar þá væri alltaf hægt að halda úti flugleiðum hingað með hagnaði og því myndu aðrir grípa boltann.

Það kom þó í ljós að það skarð sem WOW air skyldi eftir sig var að mestu ófyllt ári eftir gjaldþrot félagsins. Ástæðan var líklegast sú að WOW air gerði út á tengifarþega að miklu leyti og það var því eftir litlu að slægjast fyrir erlend flugfélög.

Þess má geta að Harpa er í dag framkvæmdastjóri LSR – Lífeyrissjóðs starfsmanna ríkisins sem er níundi stærsti hluthafinn í Icelandair Group með um tvö prósent hlut.


Kæri lesandi, nú á tímum Covid-19 þá stendur Túristi vaktina. Lesturinn á síðuna hefur aukist gríðarlega en auglýsingatekjurnar lækkað mjög hratt. Af þeim sökum bendi ég tryggum lesendum á að hægt er að leggja útgáfunni lið með frjálsum framlögum (sjá hér).
Með fyrirfram þökk,
Kristján Sigurjónsson

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …