Samfélagsmiðlar

Er áttundi stærsti hluthafinn í Icelandair Group

Fjárfestirinn Högni Pétur Sigurðsson á í dag 3,1 prósent hlut í Icelandair samsteypunni.

Á nýuppfærðum lista Icelandair Group yfir tuttugu stærstu hluthafa í fyrirtækinu sést að bandaríski vogunarsjóðurinn PAR Capital Management hefur síðustu daga haldið áfram að selja bréf fyrirtækinu.

Nú nemur hlutur sjóðsins 11,64 prósentum en hann var 13,5 prósent áður en stjórnendur PAR Capital hófu að selja bréfin í smáskömmtum nú í vor.

Nýliði á þessum nýjasta lista Icelandair, yfir stærstu hluthafa fyrirtækisins, er eignarhaldsfélagið Zukunft sem er í sæti númer tuttugu. Zukunft er skráð fyrir rúmlega 45 milljónum hluta í Icelandair eða 0,83 prósent. Aftur á móti er lífeyrissjóðurinn Festa farinn út af topplistanum.

Það er Högni Pétur Sigurðsson, fjárfestir og eigandi Hard Rock Café, sem er skráður eigandi Zukunft. Annað félag í hans eigu, Nautica ehf., hefur lengi verið á listanum yfir stærstu hluthafana og sömuleiðis Högni Pétur sjálfur en eign hans er merkt „Eintaklingur 1″ á heimasíðu Icelandair Group.

Samtals á Högni í dag 3,1 prósent af hlutafé Icelandair samsteypunni sem gerir hann að áttunda stærsta hluthafanum með tæpa 168 milljón hluti. Markaðsvirði bréfanna er um 340 milljónir króna í dag en gengi þessa stærsta ferðaþjónustufyrirtækis landsins hefur lækkað um nærri þrjá fjórðu í ár.

Hafa ber í huga að þó Zukunft komist nú á lista yfir stærstu hluthafana þá er ekki þar með sagt að það sé eingöngu vegna kaupa á nýjum bréfum. Þannig gæti Högni hafa fært hluta af eign Nautica yfir í Zukunft því hlutur þess fyrrnefnda hefur dregist aðeins saman.

Ekki náðist í Högna Pétur við vinnslu þessarar fréttar.

Nýtt efni

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …