Samfélagsmiðlar

Jákvæðar fréttir fyrir ferðaskrifstofur

Stjórnarformaður Travelco og Heimsferða fagnar nýrri tillögu ráðherra ferðamála um lánveitingu til ferðaskrifstofa. Bæði þeirra sem skipuleggja ferðir fyrir Íslendinga út í heim og eins þeirra sem taka á móti erlendum ferðamönnum hér á landi.

Jón Karl Ólafsson, stjórnarformaður Travelco og Heimsferða.

„Við fögnum því að finna eigi lausn á stöðu ferðaskrifstofa vegna endurgreiðslukröfunnar en síðustu þrjá mánuði höfum við bent á það að aðgerða er þörf. Þetta eru því jákvæðar fréttir,“ segir Jón Karl Ólafsson, stjórnarformaður Travelco og Heimsferða, aðspurður um tillögur ráðherra ferðamála um stofnun ábyrgðasjóðs.

Hugmyndin er sú að ferðaskrifstofur geti þá fengið lánað úr þessum sjóði til að endurgreiða neytendum andvirði þeirra ferða sem felldar hafa verið niður síðustu mánuði. Upphæðina greiða ferðaskrifstofunnar svo ríkissjóði tilbaka síðar.

Jón Karl segir að það verði forvitnilegt að sjá útfærsluna á þessum tillögum ráðherra og til að mynda hversu langt tímabil ábyrgðin nær yfir. En það var um miðjan mars sem landamæri lokuðust og yfirvöld hér heima og víða um heim lögðust gegn ferðalögum. Síðan þá hafa allar ferðir verið felldar niður.

Haft var eftir Þórdísi Kolbrúnu Reykfjörð Gylfadóttur, ráðherra ferðamála, í fréttum RÚV, að það komi bæði neytendum og ferðaskrifstofum til góða að þessi lánaleið verði farin.

„Við erum að vinna að útfærslu sem ég held að geti verið lausn sem að allir geti sætt sig við þ.e.a.s. við erum með engum hætti að ganga á rétt neytenda nema síður sé, veitir þetta súrefni inn til ferðaskrifstofa sem er mjög nauðsynlegt og er alls ekki sársaukafullt fyrir ríkissjóð,“ segir Þórdís Kolbrún R. Gylfadóttir ferðamálaráðherra.

Nýtt efni

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …