Samfélagsmiðlar

Reikna með margfalt fleiri flugferðum í júlí

Þotur Icelandair verða farnar að fljúga héðan um tuttugu sinnum á dag þegar komið verður fram í miðjan júlí.

Farþegahópurinn í innritunarsal Flugstöðvar Leifs Eiríkssonar gæti stækkað hratt næstu vikur í takt við stóraukin umsvif Icelandair.

Flugáætlun Icelandair í þessari viku og þeirri næstu gerir ráð fyrir 38 brottförum í hvorri viku. Strax í byrjun júlí tvöfaldast svo ferðafjöldinn og verður hann kominn upp í allt að 134 brottfarir í viku frá Keflavíkurflugvelli vikuna 13. til 19. júlí.

Þetta má sjá í nýrri flugáætlun fyrir fyrstu þrjár vikurnar í júlí sem Icelandair birti í gær. Samkvæmt henni verður um fjórða hver ferð félagsins til bandarískra borga þegar komið verður fram í miðjan næsta mánuð.

Spurð um þessi áform þá segir Ásdís Pétursdóttir, upplýsingafulltrúi Icelandair, að áætlunin byggi á því að afkastageta í skimun á farþegum í Leifsstöð aukist og að Bandaríkin opnist og sömuleiðis ytri landamæri Schengen svæðisins.

Á nýju áætlunnni er líka flug til Billund í Danmörku en áður hafði félagið gefið út að ferðirnar þangað yrðu felldar niður í sumar. Ásdís segir að með þessari breytingu sé verið að bregðast við aukinni eftirspurn eftir flugi til Billund.

Hana megi meðal annars rekja til þess að upphaflega var sett bann við því að útlendingar gistu á hótelum í Kaupmannahöfn nú fyrst eftir að landamæri hafa verið opnuð. Dönsk stjórnvöld breyttu þó um stefnu í síðustu viku.

Billund er á miðju Jótlandi og samkvæmt tölum frá dönsku hagstofunni búa 3.355 íslenskir ríkisborgarar í þessum hluta Danmerkur. En af fréttum gærdagsins að dæma þá var töluvert um Íslendinga, búsetta í útlöndum, í þotunum sem lentu á Keflavíkurflugvelli í gær.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …