Samfélagsmiðlar

Setja stefnuna á Spán í júlí

Bæði Úrval-Útsýn og VITA ætla að bjóða upp á ferðir til Tenerife og Alicante en hjá Heimsferðum verður beðið lengur.

Við sundlaugarbakka á Tenerife.

Þann 11. júlí er á dagskrá brottför til Tenerife á vegum Úrval-Útsýn og VITA. Tveimur dögum síðar bjóða ferðaskrifstofurnar tvær svo upp á ferð til Alicante og flogið verður vikulega til þessara tveggja vinsælu sólarstaða út sumarið.

„Við skynjum mikinn áhuga Íslendinga og höfum fengið mikið af fyrirspurnum upp á síðkastið á báða staðina. Ekki síst vegna þess að Spánverjar ákváðu að flýta opnun landsins til 21. júní, “ segir Þráinn Vigfúnsson, framkvæmdastjóri VITA, í svari til Túrista.

Hann segir ástandið á Spáni óðum vera að komast í fyrra horf þar sem hótel, matsölustaðir, skemmtigarðar, strandir og annað sem ferðamenn sækja í eru smátt og smátt að opnast. „Þó með fyllstu varkárni enda eiga Spánverjar mikið undir því að vel takist til með opnun landsins,“ bætir Þráinn við.

VITA tilheyrir Icelandair samsteypunni og flýgur farþegum sínum suður á bóginn í þotum Icelandair. Með í för verða viðskiptavinir Úrval-Útsýn og að sögn Þórunnar Reynisdóttur, forstjóra ferðaskrifstofunnar, þá fer sala á Spánarferðunum vel af stað. Hún segir að bókanir hafi borist strax í kjölfar þess að fyrstu brottfarirnar voru settar í sölu.

Auk VITA og Úrval-Útsýn þá hefur ferðaskrifstofan Heimsferðir verið mjög stórtæk í skipulagningu á sólarlandaferðum fyrir Íslendinga. Þar á bæ er hins vegar ekki gert ráð fyrir ferðum til Spánar fyrr en í september.

Jón Karl Ólafsson, stjórnarformaður Heimsferða, segir að eftirspurn sé því miður hæg á meðan óvissa varir. „Við miðum okkar áætlanir við byrjun september en getum bætt við ferðum með stuttum fyrirvara ef breyting verður á eftirspurn á næstu dögum og vikum.“

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …