Samfélagsmiðlar

Áætlunarferðir hópferðabíla eru skattskyldar

Aðeins akstur sem er bundinn einkarétti er undanþeginn virðisaukaskatti líkt og fram kemur í nýju áliti Skattsins. Eitt af þeim fyrirtækjum sem býður upp á akstur með flugfarþega til og frá Keflavíkurflugvelli hefur aftur á móti ekki innheimt virðisaukaskatt af sinni starfsemi. Öfugt við keppinautanna.

Farþegar við rútur Airport Direct og Flugrútunnar.

Það eru þrjú fyrirtæki sem halda úti sætaferðum milli höfuðborgarinnar og Flugstöðvar Leifs Eiríkssonar. Tvö þeirra, Kynnisferðir og Allrahanda/Gray line, greiða virðisaukaskatt af farmiðatekjum sínum en Reykjavik Sightseeing, sem rekur Airport Direct, gerir það ekki.

Björn Ragnarsson, forstjóri Kynnisferða, sem rekur Flugrútuna, vakti máls á þessu ósamræmi í frétt Vísis í febrúar sl. Sagði hann skýringuna á þessu liggja í mismunandi túlkun á því hvað fellur undir almenningssamgöngur en þær eru undanþegnar virðisaukaskatti. 

Hjá Kynnisferðum hefur ekki verið litið á ferðirnar til og frá Keflavíkurflugvelli sem almenningssamgöngur þar sem samkeppni ríkir á þeirri leið líkt og Björn útskýrði í frétt Vísis.

Forsvarsfólk Allrahanda/Gray line lagði sama skilning í reglurnar en óskaði í mars eftir áliti Skattsins á því hvort áætlunarferðir til og frá Keflavíkurflugvelli féllu í raun undir sérstakt undanþáguákvæði skattalaga.

Samkvæmt svari Skattsins, sem Túristi hefur undir höndum, þá fæst undanþága frá virðisaukaskatti aðeins þar sem einkaréttur til fólksflutninga gildir, t.d í tengslum við almenningssamgöngur. En líkt og áður segir þá eru fyrrnefnd þrjú fyrirtæki í samkeppni í akstri með flugfarþega til og frá Keflavíkurflugvelli.

Í frétt Vísis kom fram að Kynnisferðir hefður greitt hundruðir milljóna í virðisaukaskatt vegna Flugrútunnar eftir að hópbílaakstur fór inn í virðisaukaskattskerfið árið 2016. Af þeirri starfsemi ber að greiða 11 prósent í vsk.

Þess má geta að Samkeppniseftirlitið gaf grænt ljós á samrunaviðræður Allrahanda/Gray line og Reykjavik Sightseeing um síðustu áramót. Ekkert varð af sameiningunni. Reykjavík Sightseeing er dótturfyrirtæki Hópbíla.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …