Samfélagsmiðlar

Næst stærsti hluthafi Norwegian er meðal viðsemjenda Icelandair

TF-ICA er í dag eina Boeing MAX 9 þotan í flota Icelandair. Sú flugvél er í eigu kínverskrar flugvélaleigu sem jafnframt á nærri 13 prósent hlut í einum helsta keppinaut Icelandair.

Hinar kyrrsettu MAX þotur Icelandair. TF-ICA sem er í eigu BOC Capital stendur þarna fremst.

Flugvélaleigur, skuldabréfaeigendur og aðrir kröfuhafar tóku Norwegian yfir nú í sumarbyrjun í tengslum við fjárhagslega endurskipulagningu flugfélagsins. Eldri hluthafar héldu eftir litlum hlut í fyrirtækinu.

Þessi umbreyting var forsenda fyrir því að Norwegian fengi neyðarlán frá norska ríkinu. Skilyrðin voru nefnilega þau að flugfélagið myndi grynka á skuldum og hækka eiginfjárhlutfallið.

Það sem vakti einna mesta athygli við þessa uppstokkun, á eignarhaldi Norwegian, var að kínverska ríkið varð óbeint næst stærsti hluthafinn í norska flugfélaginu í gegnum flugvélaleiguna BOC Aviation. Það fyrirtæki tilheyrir ríkisbankanum Bank of China.

Kínverjarnir eiga því í dag 12,7 prósent hlut í Norwegian en líkt og Túristi hefur áður rakið þá hefur norska flugfélagið veitt Icelandair gríðarlega samkeppni í flugi til Norður-Ameríku síðustu ár.

Og þessa dagana vinna stjórnendur Icelandair að því að byggja upp fjárhag síns flugfélags á ný. Í tengslum við þá vinnu eiga sér stað viðræður við flugvélaleigusala líkt og fram kom í tilkynningu frá félaginu á mánudagsmorgun.

Meðal þeirra sem þá þurfa að koma til móts við Icelandair er einmitt BOC Aviation. Það félag á nefnilega Boeing MAX9 þotuna sem Icelandair fékk afhenda í febrúar 2019. Nokkrum vikum áður en MAX þotur voru kyrrsettar um allan heim.

Icelandair hafði sjálft keypt þessa MAX þotu árið 2012 en tveimur mánuðum fyrir afhendingu hennar þá seldi félagið flugvélina til BOC Aviation og endurleigði á ný. Þess háttar viðskipti eru algeng í rekstri flugfélaga.

Skuldbindingin gagnvart BOC Aviation eru þó líklega mun meiri því í kauphallartilkynningu Icelandair, í árslok 2018, kemur fram að kínverska flugvélaleigan kaupi tvær af MAX þotum Icelandair og endurleigi svo á ný til félagsins. Því til viðbótar átti BOC Aviation að fjármagna fyrirframgreiðslur Icelandair á Boeing MAX flugvélum sem þá stóð til að afhenda 2019 og 2020.

„Fjármögnunin nemur um 200 milljónum bandaríkjadollara á tímabilinu og sjóðsstaða félagsins hækkar um 160 milljónir bandaríkjadollara í kjölfar samningsins,“ segir í tilkynningunni. Í komandi hlutafjárútboði Icelandair er einmitt ætlunin að fá inn nýtt hlutafé fyrir 200 milljónir dollara. Það jafngildir um 28 milljörðum króna á gengi dagsins.

Aðeins önnur þessara MAX þota sem BOC Aviation keypti af Icelandair í árslok 2018 náði hingað til lands fyrir kyrrsetninguna í mars í fyrra. Sú staðreynd gæti haft sitt að segja varðandi heildarskuldbindingu Icelandair gagnvart kínversku flugvélaleigunni.

Þess má geta að það er mjög óvenjulegt að flugvélaleigur eigi stóran hlut í flugfélagi eins og nú er raunin með Norwegian. Þess háttar getur flækt stöðu leigufyrirtækjanna gagnvart öðrum flugfélögum og viðskiptavinum. Það er því almennt búist við að breytingar verði á eigendahópi Norwegian fyrr en síðar.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …